Salmus 71:13 - BIBLIA - traduson antigu in Krioulo

¹³ Kilis ku sta kontra mi pa e kunfundidu, e kabadu ku el. Kilis ku na buska fasin mal, pa e kubridu ku trosa ku kunfuson.

Salmus 71:13 ပူးပေါင်းရင်းမြစ်များ

Ester 9:2

Judeus junta na se prasas na tudu pruvinsias di rei Asueru, pa ataka kilis ku na buska mal kontra elis. Ningin ka pudiba firma kontra elis, pabia jinti di tudu utru rasas e sinti medu delis.

Salmus 109:29

Ña akusaduris pa e bisti ku borgoña, pa se propi kunfuson kubri elis suma panu.

Salmus 132:18

N na kubri si inimigus ku kunfuson, ma el, si koroa na sedu gloriosu.”

Salmus 35:26

Kilis ku na ŋuminin pabia di ña sufrimentu, pa e pasa borgoña, e fika kunfundidu; Kilis ku yalsa se kabesa riba di mi, pa e kubridu ku borgoña ku kunfuson.

Salmus 35:4

Kilis ku na buska tira ña vida, pa e kunfundidu, e pudu na borgoña! Kilis ku tene planu pa fasin mal, pa e ribantadu tras ku kunfuson!

Salmus 6:10

Tudu ña inimigus pa e fika ku borgoña ku kunfuson, pa e riba tras, tarpajadu di repenti.

Salmus 70:3

Kilis ku fala: “Yo! Yo!” pa e riba tras, kubridu ku borgoña!

Salmus 71:24

Tudu dia N na papia di bu retidon, pabia kilis ku mistiba fasin mal e pasa borgoña ku kunfuson.

Isaias 41:11

“Tudu kilis ku raiba kontra bo e na kunfundidu, e na pasantadu borgoña; kilis ku lanta kontra bo e na pirdi, e na sedu suma nada.

Jeremias 20:11

Ma SIÑOR sta ku mi suma forti gereru; asin ña pirsigiduris tudu na kai, e ka na ngaña. E na fika ku borgoña; kusas ka na kuri elis diritu; e na sta sempri na kunfuson; ku ka na diskisidu.

1 Pedru 5:5

Asin tambi abos jovens, bo baŝa pa mas bejus. Abos tudu, bo baŝa pa ŋutru. Bo kubri ku umildadi suma ropa, pabia, suma ku Skritura fala, “Deus i kontra jinti ku ta yalsa se kabesa, ma i ta mostra fabur pa kilis ku ta baŝa se kabesa.”