Salmus 69:4 - BIBLIA - traduson antigu in Krioulo

⁴ Kilis ku ten odiu di mi sin roson e mas ciu di ki kabelus di ña kabesa; Kilis ku misti matan e ten forsa, e sedu ña inimigus pa mintida, tok N ten ku torna kil ku N ka furta.

Salmus 69:4 ပူးပေါင်းရင်းမြစ်များ

Salmus 35:19

Kilis ku sedu ña inimigus sin roson, ka bu disa elis ŋuminin, nin ka bu disa kilis ku odian sin roson pa e gozan ku piska uju.

Salmus 40:12

Purblemas ku rodian e ciu dimas, tok e ka pudi kontadu. Ña pekadus pañan, e tujin oja; e ciu mas di ki kabelu di ña kabesa. Asin ña korson na dismaja.

Salmus 59:3

Jubi kuma ke na montian pa paña. Omis forti na junta kontra mi, SIÑOR, sin N ka fasi pekadu o kualker kusa di mal.

Salmus 6:7

Ña uju sta fraku ku tristesa; i torna beju pabia di tudu ña inimigus.

Bon Noba di Jesus Kristu ku Jon 15:25

I pa i pudi sedu suma ki sta skritu na se lei: ‘E nfastian sin roson.’

2 Koríntius 5:21

Kil ku ka fasi pekadu nunka, Deus fasil pa i sedu pekadu pabia di nos, pa no pudi sedu justu suma Deus, na no union ku Kristu.

1 Pedru 2:22

I ka fasi pekadu, nin na si boka nganu ka obidu.

1 Pedru 2:24

El propi i leba no pekadu na si kurpu na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.

1 Pedru 3:18

Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.