Salmus 67:6 - BIBLIA - traduson antigu in Krioulo

⁶ Asin, tera na da si kebur; Deus, no Deus, na bensuanu.

Salmus 67:6 ပူးပေါင်းရင်းမြစ်များ

Kumsada 17:7

N na pui ña kontratu na metadi di mi ku bo, ku bu fijus dipus di bo, ku se jorsons, un kontratu ku na fika pa sempri, pa N sedu bu Deus, Deus di bu jorson dipus di bo.

Salmus 48:14

E Deus i no Deus pa sempri; el i na sedu no gia te na mortu.

Saida 3:15

Deus fala mas ku Moisés: “Asin ku bu na fala fijus di Israel: ‘SIÑOR, Deus di bo papes, Deus di Abraon, Deus di Isak, Deus di Jakó, i mandan pa bos.’ Es i ña nomi pa sempri, es i ña lembransa pa tudu jorson na futuru.

Isaias 1:19

Si bo obdisi ku bon vontadi, bo ta kume bon kumida de tera,

Jeremias 31:1

SIÑOR fala: “Na ki tempu N na sedu Deus di tudu jorsons di Israel; elis e na sedu ña pobu.”

Jeremias 31:33

“Es i kontratu ku N na fasi ku pobu di Israel na ki tempu: Ami, SIÑOR, N na pui ña lei na se kabesa, N na skirbil na se korson. N na sedu se Deus; elis e na sedu ña pobu.

Sirmonias 25:19

Con na da si prudutu; bo na kumel tok bo farta; bo na mora nel suguru.

Sirmonias 26:4

N na manda bos cuba na si tempu; con na padi si prudutus; arvuris na da se fruta.