Salmus 66:7 - BIBLIA - traduson antigu in Krioulo

⁷ El, ku si puder, i ta guberna pa sempri; si uju ta bisia nasons. Disobdientis, pa ka e lanta kontra el. Sela

Salmus 66:7 ပူးပေါင်းရင်းမြစ်များ

2 Kronikas 16:9

pabia uju di SIÑOR ta pasa pa tudu parti di mundu, pa fortifika kilis ku tene korson pirfitu pa el. Bu fasi kusa tulu; disna di gosi gera na ten kontra bo.”

Jo 9:4

Si jiresa i fundu, si puder i garandi. Kin ku ciga di purfia ku el, i kapli kastigu?

Salmus 11:4

SIÑOR sta na si kasa sagradu; i tene si tronu na seu. Si uju sta abertu; i na jubi diritu pa tudu jinti.

Salmus 140:8

O SIÑOR, ka bu da jinti mau ke ke misti; ka bu disa se planus mau pa e bai dianti, pa e ka njata. Sela

Salmus 145:13

Bu renu i un renu ku ka ta kaba; bu puder di manda i pa tudu manjuandadi. SIÑOR i fiel na tudu si purmesas, i bon na tudu ki fasi.

Salmus 33:13

SIÑOR, la na seu, ta jubi, i ta oja tudu jinti.

Salmus 62:11

Deus papia un bias; ami N obi dus kusa: kuma puder pertensi Deus;

Salmus 75:6

Puder di garandisi algin ka ta bin di saida di sol, nin di si kaida, ku fadi di lala,

Saida 18:11

Gosi N sibi kuma SIÑOR i mas garandi di ki tudu deusis, pabia i fasi e kusas pa kilis ku trataba Israel ku disprezu.”

Daniel 4:34

Oca ki tempu pasa, ami, Nabukodonosor, N yalsa uju pa seu; ña juisu torna pa mi. N fala ben di Deus ku sta riba di tudu, N ngabal, N da gloria pa kil ku na vivi pa sempri. I na domina pa sempri; si renu na sedu di un manjuandadi pa utru, pa sempri.

Daniel 4:35

Tudu moraduris di mundu ojadu suma nada si dianti. I ta fasi konformi ki misti ku puderis di seu, ku moraduris di tera. I ka ten kin ku pudi paral si mon, ku fadi pa puntal: “Ke ku bu na fasi?”

Mateus 28:18

Jesus ciga pertu, i fala elis: “N dadu tudu puder na seu ku tera.

Mateus 6:13

Ka bu lebanu pa tentason, ma libranu di ki algin malvadu. [Pabia renu i di bo, ku puder ku gloria pa sempri. Amen.]’