Salmus 66:3 - BIBLIA - traduson antigu in Krioulo

³ Bo fala Deus: “Kusas ku bu fasi i meduñu! Bu puder i garandi dimas tok bu inimigus rakua ku medu.

Salmus 66:3 ပူးပေါင်းရင်းမြစ်များ

Jo 25:2

“Deus sta riba di tudu, i mersi garandi rispitu; el i pui pas na si renu la riba.

Salmus 18:44

Logu ke obin, e ta obdisin; stranjerus na fika bas di mi.

Salmus 18:45

Elis e pirdi koraẑen, e sai na se kaus forti ku medu.

Salmus 47:2

SIÑOR ku sta riba di tudu i meduñu, i sedu garandi Rei riba di tudu mundu.

Salmus 65:5

Bu ta ruspundinu ku kusas meduñu ku bu fasi ku retidon, o Deus di no salbason. Abo i speransa di jinti di tudu parti di mundu, ku kilis ku sta lunju, riba di mar.

Salmus 68:30

Raprindi ki limaria brabu ku sta na paja di riu, ki nasons ku sta suma manga di turu ku se fijus, tok e umilya, e tisiu se prata. Pajiga nasons ku ta kontenti ku gera.

Salmus 76:12

I ta kebra spiritu di ŝefis; reis di mundu ta ten medu del.

Salmus 81:15

Kilis ku ten odiu di SIÑOR e na ribaba tras ku medu; se kastigu na kontinuaba pa sempri.

Saida 15:21

Mirian kanta pa elis: “Bo kanta pa SIÑOR, pabia el i garandisidu riba di tudu. I bota kabalu na mar, ku si kabaleru.”

Isaias 2:19

Jinti na kuri e yentra na kobas di pedras garandi ku kobas di con pa sukundi di raiba meduñu di SIÑOR, ku gloria di si puder, ora ki lanta pa bulbuli con.

Isaias 25:3

Jinti di nasons forti na ngabau; bu na rispitadu na prasas di nasons ku ka ta sinti pena di ningin.

Isaias 40:26

Bo yalsa uju pa riba, bo jubi kin ku kumpu ki kusas, ku ta tira ki manga di strela un son un son, i coma elis pa se nomis. Pabia di si garandi forsa ku puder, nin un son ka na falta.

Isaias 64:3

Oca bu ta riaba, bu fasi kusas meduñu ku no ka spera; montañas ta tirmiba bu dianti.

Jeremias 10:10

Ma SIÑOR i Deus di bardadi; el i Deus bibu, Rei pa sempri. Si i paña raiba, con ta tirmi; nasons ka pudi nguenta si raiba.