Salmus 6:4 - BIBLIA - traduson antigu in Krioulo

⁴ Riba, SIÑOR, bu libran; salban pabia di bu bondadi.

Salmus 6:4 ပူးပေါင်းရင်းမြစ်များ

Salmus 116:4

Asin N coma nomi di SIÑOR, N fala: “O SIÑOR, salban!”

Salmus 116:8

Abo, SIÑOR, bu salban di mortu, bu libra ña uju di larma, bu libra ña pe di kai,

Salmus 120:2

SIÑOR, libran di boka di mintida, ku lingua di nganu.

Salmus 121:7

SIÑOR na guardau di tudu mal; i na guarda bu vida.

Salmus 13:2

Te kal tempu ku N na sta na luta dentru di ña pensamentu, ku tristesa na ña korson kada dia? Te kal dia ku ña inimigu na ngañan?

Salmus 17:13

Lanta, SIÑOR, bu nfrenta elis, bu bati elis na con. Ku bu spada libran di mon di omis mau;

Salmus 22:20

Libran di spada; ña vida ku ten balur, salbal di forsa di ki kacuris.

Salmus 25:7

Ka bu lembra di pekadus ku N fasi ocan nobu, manera ku N kebra bu lei, ma lembra di mi, SIÑOR, konformi bu amor ku bondadi.

Salmus 69:13

Ma ami, SIÑOR, N na papia ku bo na tempu di bu fabur. O Deus, obin konformi garandesa di bu bondadi, pabia bu sedu fiel pa salba.

Salmus 74:10

O Deus, te kal tempu ku inimigu na fasiu trosa? Nta i na ba ta koba bu nomi pa sempri?

Salmus 79:5

SIÑOR, te kal tempu? Nta bu na ten raiba di nos pa sempri? Bu siumi na kontinua yardi suma fugu?

Salmus 80:14

O Deus ku sta na seu, ku ten tudu puder, riba pa nos. Jubi na tera, bu oja, bu toma konta de pe di uva

Salmus 86:13

Bu bondadi pa mi i garandi, bu libra ña vida na kau mas fundu di mortu.

Salmus 90:13

SIÑOR, te kal tempu? Disa, bu ten pena di bu servus.

Isaias 38:17

I pa N pudi ten pas ku N pasa na garandi kasabi. Abo, ku bu garandi amor, bu guardan pa ka N kai na koba di mortu, pabia bu bota tudu ña pekadus tras di bu kostas.

Daniel 9:18

O Deus! Mpina bu oreja, bu obi; yabri bu uju, bu jubi prasa ku ta comadu pa bu nomi, manera ki danadu. No ka na pui no pididus dianti di bo ku fiansa kuma anos i justu, ma no fiansa na bu garandi miserikordia.

Malakias 3:7

Disna di tempu di bo papes, bo disvia di ña regras, bo ka obdisi elis. Bo riba pa mi; N ta riba pa bos.” Asin ku SIÑOR ku ten tudu puder fala. “Ma bo ta punta: ‘Na kal manera ku no ten ku riba?’

Efésius 1:6

No ngaba Deus pa si oferta gloriosu ki danu di grasa na si Fiju amadu.