Salmus 53:2 - BIBLIA - traduson antigu in Krioulo

² La na seu, Deus jubi pa tudu jinti na tera, pa sibi si i ten algin ku ten ntindimentu, ku ta buska Deus.

Salmus 53:2 ပူးပေါင်းရင်းမြစ်များ

1 Kronikas 28:9

“Abo Salomon, ña fiju, rikuñisi Deus di bu papes, bu sirbil ku tudu bu korson, ku pruntidon di spiritu, pabia SIÑOR ta rabista tudu korson, i ta kunsi tudu motivu ku sta tras di kada pensamentu. Si bu buskal bu na ojal, ma si bu disal, i na negau pa sempri.

2 Kronikas 15:2

I sai pa bai kontra ku Asa, i falal: “Bo sukutan de, Asa ku tudu Judá ku Benjamin. SIÑOR sta ku bos nkuantu bo sta ku el. Si bo buskal, bo na ojal; si bo disal, el i na disa bos.

2 Kronikas 19:3

ma i ten utru kusas bon na bo, pabia bu tira ki idulus di Aserá na tera, bu pui bu korson pa buska Deus.”

Jo 28:28

Deus fala omi: ‘Rispitu pa SIÑOR i jiresa; pa libra di fasi mal i ntindimentu.’ ”

Salmus 10:4

Pabia di si orgulyu, omi mau ta njuti SIÑOR. Na tudu si pensamentus, Deus ka sta la.

Salmus 102:19

SIÑOR, na si kau sagradu la riba na seu, i mpina, i jubi pa tera,

Salmus 11:4

SIÑOR sta na si kasa sagradu; i tene si tronu na seu. Si uju sta abertu; i na jubi diritu pa tudu jinti.

Salmus 111:10

Rispitu pa SIÑOR i purmeru pasu pa jiresa; tudu jinti ku obdisi si ordis e na ten bon ntindimentu. Deus ten ku ngabadu pa sempri.

Salmus 27:8

Oca ku bu fala: “Bo buska ña rostu,” ña korson falau: “SIÑOR, N na buskau.”

Isaias 55:6

Bo buska SIÑOR nkuantu i pudi ojadu, bo comal nkuantu i sta pertu.

Jeremias 16:17

Ña uju sta riba di tudu se kamiñus. Ningin ka pudi sukundi di mi, nin pa kubri si pekadu pa N ka ojal.

Jeremias 23:24

Algin pudi sukundi na un kau ku N ka na ojal? Nta ami N ka inci seu ku tera?” Asin ku SIÑOR punta.

Ripitison di Lei 4:6

Bo pui sintidu na obdisil, pabia es i na mostra jinti di utru nasons bo jiresa ku ntindimentu. Ora ke obi tudu e leis, e ta fala: “Ki nason garandi i sedu un pobu jiru ku ten ntindimentu.”