Salmus 40:6 - BIBLIA - traduson antigu in Krioulo

⁶ Bu ka misti sakrifisiu ku oferta; bu ka pirsisa di oferta kemadu nin sakrifisiu pa purdon di pekadu, ma bu yabrin oreja.

Salmus 40:6 ပူးပေါင်းရင်းမြစ်များ

Jo 33:16

Deus ta pui elis pa e obi, i ta pantanda elis ku si avisus,

Jo 5:9

El i ta fasi kusas garandi ku no ka pudi ntindi, ku milagris ciu ku no ka pudi konta.

Salmus 139:17

O Deus, bu pensamentus i bonitu dimas pa mi! Si numeru i garandi dimas!

Salmus 139:18

Si N pudiba fasi konta del, i ta seduba mas di ki reia. N pudi konta, N konta, sin N ka ciga na kabantada.

Salmus 50:8

N ka na raprindiu pabia di bu sakrifisius nin bu ofertas kemadu ku sta sempri ña dianti.

Salmus 51:16

Bu ka misti sakrifisius; si bu mistilba, N ta tisiu el. Bu ka ta kontenti ku ofertas kemadu.

Salmus 71:15

N na konta kuma ku bu sedu justu; N na fala di bu salbason tudu ora, nin si i mas di ki kil ku N ntindi.

Saida 21:6

si dunu ta lebal pa juisis, i ta cigantal pa porta o aru di porta, i ta fural oreja ku guja gros. Asin i ta sedu di sil pa sempri.

Isaias 1:11

SIÑOR fala: “Kil bo manga di sakrifisiu, ke ke ta balin? N sta ja fartu di ofertas kemadu di karnel macu, ku gurdura di limarias gurdu; N ka ta kontenti ku sangi di turus, nin di fijus di karnel, nin di kabras macu.

Isaias 25:1

O SIÑOR, abo i ña Deus; N na garandisiu, N na ngaba bu nomi, pabia bu fasi kusas di dimira. Bu sedu fiel pa kumpri planus ku bu fasi na tempu antigu; e ka pudi maina.

Isaias 66:3

Kil ku mata turu i suma kil ku mata algin; kil ku sakrifika fiju di karnel i suma kil ku kebra garganti di kacur; kil ku pursenta oferta di kumida i suma kin ku pursenta sangi di purku; kil ku kema nsensu i suma kil ku adora un idulu. Esis e kuji se propi kamiñu, e ta fika kontenti ku se kusas nujenti.

Oseias 6:6

Kusa ku N mas misti i miserikordia, i ka sakrifisiu. N mas misti pa bo kunsin te pa bo kema ofertas pa mi.

Amos 5:22

Nin si bo tisin ofertas kemadu ku ofertas di kumida, N ka na kontenti ku elis, nin N ka na jubi pa limarias gurdu ku bo tisi pa ofertas di pas.

Mateus 12:7

Si bo ntindiba ke ki signifika ki palabra ku Deus fala na Skritura: ‘Ke ku N misti i miserikordia, i ka sakrifisiu,’ bo ka ta kondena jinti ku ka ten kulpa.

Mateus 9:13

Bo bai nsina ke ku signifika ki kusa ku Deus fala na Skritura: ‘Kusa ku N misti i miserikordia, i ka sakrifisiu.’ N ka bin coma jinti justu, ma N bin coma kilis ku ta fasi pekadu.”

1 Samuel 15:22

Samuel ruspundi i puntal: “Kal ku SIÑOR mas gosta del: ofertas kemadu ku sakrifisius o pa algin obdisi si palabra? Obdisi i minjor di ki sakrifisiu; para sintidu i minjor di ki gurdura di karnel.