Salmus 4:8 - BIBLIA - traduson antigu in Krioulo

⁸ N na dita, N durmi ku pas, pabia i abo son, SIÑOR, ku fasin pa N mora suguru.

Salmus 4:8 ပူးပေါင်းရင်းမြစ်များ

Salmus 16:11

Bu na mostran kamiñu di vida. Na bu dianti i ten garandi kontentamentu; na bu mon direita i ten kusas sabi ku ka ta kaba.

Salmus 3:5

N ta dita, N durmi; N ta korda, pabia SIÑOR ta suguran.

Ditus 3:24

Ora ku bu dita, bu ka na ten medu; sin, bu na dita, bu na tene sonu sabi.

Isaias 9:2

Jinti ku na yandaba na sukuru e oja garandi lus; kilis ku moraba na lugar di sombra di mortu, lus numia elis.

Ezekiel 34:25

“‘N na fasi kontratu di pas ku elis. N na kaba ku limaria brabu na tera; e na mora suguru na lala, e na durmi na matu.

Oseias 2:18

Na ki dia N na fasi kontratu pa elis ku limarias di matu ku kacus ku ta bua, ku limarias ku ta rasta na con. N na tira mansasa ku spada ku gera na tera pa e pudi dita e durmi suguru.

Sirmonias 26:5

Bo na kontinua na masa arus te na tempu di kuji uvas; bo na kuji uvas te na tempu di sumia. Bo na kume tok bo farta; bo na mora suguru na bo tera.

Ripitison di Lei 12:10

Bo na kamba Jordon pa bai mora na tera ku SIÑOR bo Deus na fasi bos pa bo yarda. El i na da bos diskansu di tudu bo inimigus ku sta na bo roda; asin bo na mora suguru.

1 Tesalonisensis 5:10

ku muri pa nos pa, si i ojanu bibu o mortu ora ki bin, no pudi vivi juntu ku el.

Apokalipsi 14:13

Dipus N obi un vos di seu ku fala: “Skirbi kuma: ‘Sortiadu kilis ku muri na mon di Siñor desdi gosi.’ ” Spiritu fala: “Sin, pa e pudi diskansa di se tarbaju kansadu; obras ke fasi ta kumpaña elis.”