Salmus 27:3 - BIBLIA - traduson antigu in Krioulo

³ Nin si manga di tropa tajan, ña korson ka na medi; nin si gera lanta kontra mi, mesmu asin N na ten fiansa.

Salmus 27:3 ပူးပေါင်းရင်းမြစ်များ

2 Kronikas 20:15

Jaaziel fala: “Rei Jeosafá ku tudu jinti ku mora na Jerusalen ku Judá, bo sukuta. Asin ku SIÑOR na fala bos: ‘Ka bo ten medu nin ka bo panta pabia di ki manga di tropa, pabia gera i ka di bos, i di Deus.

Jo 4:6

Nta bu rispitu pa Deus i ka bu fiansa? Manera ku bu yanda na bardadi i ka bu speransa?

Salmus 112:7

I ka na ten medu di notisia mau; si korson sta firmi, ku fiansa na SIÑOR.

Salmus 3:6

N ka na medi ki des milyaris di jinti ku lanta na tudu ladu kontra mi.

Salmus 3:7

SIÑOR ña Deus, lanta, bu salban! Pabia bu sukia tudu ña inimigus, bu kebra dintis di jinti mau.

Salmus 52:6

Jinti justu e na bin oja ki kusa, e na medi; dipus e na ril, e fala:

Filipensis 1:28

Na nada ka bo ten medu di kilis ku sta kontra bos. Es na sedu un sinal pa elis kuma e ten ku pirdi, ma pa bos i sinal di salbason ku Deus na da bos,

1 Pedru 3:14

Nin ku bo sufri pabia bo na fasi ben, bo ta sedu sortiadu. Ka bo ten medu delis, nin ka bo tarpaja.

Apokalipsi 2:10

Ka bu medi kil ku bu na bin sufri. Diabu na bota utru di bos na kalabus, pa proba bos. Kansera na bin pa bos pa des dia. Fika fiel te na mortu; N ta dau koroa di vida.

1 Samuel 19:8

Gera torna rebenta mas utru bias. Davi sai i geria kontra filisteus, i ngaña elis ku forsa tok e kuri si dianti.