Salmus 24:2 - BIBLIA - traduson antigu in Krioulo

² pabia i el ku pui si alisersu riba di mar, i firmantal riba di korentis di yagu.

Salmus 24:2 ပူးပေါင်းရင်းမြစ်များ

Kumsada 8:22

“Tementi mundu ka kaba, tempu di sumia, ku tempu di kebra, tempu di kalur ku tempu di friu, tempu di cuba ku tempu di seku, di dia ku di noti nunka e ka na para.”

Jo 38:4

“Nunde ku bu staba oca ku N pui alisersu di mundu? Kontan, si bu ten ntindimentu.

Salmus 136:6

i distindi tera riba di yagu. Si bondadi i pa sempri.

Salmus 33:6

SIÑOR kumpu seu ku si palabra, ku si folgu i kumpu tudu strelas ku lua ku sol.

Salmus 89:12

Bu kumpu norti ku sul; montis di Tabor ku Ermon e ta kanta ku kontentamentu pa bu nomi.

Salmus 93:1

SIÑOR na rena. I bisti puder di renansa. SIÑOR bisti di puder, i mara sintu di forsa. Mundu i firmantadu, i ka pudi bulbuli.

Salmus 95:4

Funduras di tera sta na si mon; alturas di montis i di sil.

Salmus 96:10

Bo konta na metadi di nasons kuma SIÑOR na rena. Mundu firmantadu pa i ka pudi bulbulidu. Deus na julga nasons ku justisa.

Jeremias 5:22

SIÑOR punta: “Bo ka ten medu di mi? Bo ka ta tirmi ña dianti? I ami ku pui reia pa i sedu frontera ku mar, un barera pa sempri ku mar ka pudi pasa. Maron pudi lanta ma i ka pudi kamba riba del. Nin si i somna, i ka pudi pasa frontera.