Salmus 17:3 - BIBLIA - traduson antigu in Krioulo

³ Bu proba ña korson, bu visitan di noti, bu jubin diritu, bu ka oja nada. Kusa ku N disidi i pa ka ña boka peka.

Salmus 17:3 ပူးပေါင်းရင်းမြစ်များ

1 Kronikas 28:9

“Abo Salomon, ña fiju, rikuñisi Deus di bu papes, bu sirbil ku tudu bu korson, ku pruntidon di spiritu, pabia SIÑOR ta rabista tudu korson, i ta kunsi tudu motivu ku sta tras di kada pensamentu. Si bu buskal bu na ojal, ma si bu disal, i na negau pa sempri.

1 Kronikas 29:17

Ña Deus, N sibi sertu kuma bu ta proba korson di jinti, bu ta kontenti si bu oja bardadi nel. Ami tambi, N dau tudu e kusas ku sinseridadi di ña korson, ku tudu ña vontadi. Gosi N sta kontenti pa oja manera ku bu pobu ku sta li e dau ku tudu vontadi.

Jo 23:10

ma el i sibi nunde ku N na bai; si i kaba proban, N na sai suma uru.

Jo 24:14

Mandrugada matadur ta lanta, i mata koitadis; di noti i ta bida suma ladron.

Salmus 11:5

SIÑOR na spurmenta omi justu, ma i ta nuju omi mau ku kil ku ama violensia.

Salmus 119:106

N jurmenta, N konfirma kuma N ten ku obdisi bu leis justu.

Salmus 139:1

SIÑOR, bu jubin diritu, bu kunsin.

Salmus 139:23

O Deus, jubin, pa bu pudi kunsi ña korson; spurmentan, pa bu kunsi ña pensamentus.

Salmus 16:7

N na ngaba SIÑOR ku ta konsijan; mesmu di noti ña korson ta nsinan.

Salmus 26:2

Jubin, SIÑOR, bu spurmentan, jubi diritu na ña korson ku pensamentus,

Salmus 39:1

N fala kuma N na toma sintidu ku ke ku N na fasi pa N ka peka ku lingua. N na mara ña boka nkuantu omi mau sta ku mi.

Salmus 66:10

Abo, o Deus, bu probanu; bu rifinanu suma prata ta rifinadu.

Salmus 7:4

si N fasi mal pa kil ku ten pas ku mi, (ma N libra kil ku, sin roson, na kansan) —

Ditus 13:3

Kil ku ta guarda si boka i ta guarda si vida, ma kil ku yabri si boka ciu i na tene kasabi.

Jeremias 12:3

ma abo, SIÑOR, bu kunsin, bu ta ojan, bu proba ña pensamentu aserka di bo. Rasta elis suma karnel ku na bai matadu; guarda elis pa dia di matansa!

Jeremias 50:20

Ami, SIÑOR, N fala kuma, ora ku ki tempu ciga, maldadi di Israel na buskadu, i ka na ojadu. Pekadus di Judá tambi ka na ojadu, pabia N na purda ki restu ku N disa ku vida.

Oseias 7:6

E tene korson purparadu suma furnu; e na fasi planus di malvadesa. Di noti se raiba na durmi; parmaña i ta rebenta fugu.

Mikeias 2:1

Ai di kilis ku dita na se kamas, e pensa na mal, e fasi planus malvadu; ora ku sol mansi e ta pul na pratika, pabia forsa sta na se mon.

Zakarias 13:9

N na pui ki terseru parti pa i pasa na fugu, N na purifikal suma ku prata ta purifikadu; N na probal suma ku uru ta probadu. Elis e na coma ña nomi; N na obi elis, N na fala: ‘Es i ña pobu;’ e na fala: ‘SIÑOR i no Deus.’ ”

Malakias 3:2

Kin ku na pudi nguenta ki dia ki na bin? Kin ku na pudi firma ora ki ciga? I na sedu suma fugu ku ta rifina uru, o suma sabon forti di jinti ku ta laba ropa.

Atus 11:23

Oca i ciga, i oja kuma Deus na tarbaja la, i fika kontenti, i konsija elis pa e pega tesu na Siñor ku tudu se korson.

Atus 16:9

Na ki di noti Paulu oja un vison. Un omi di Masedonia staba sikidu si dianti, ku pidil i falal: “Bin pa Masedonia, bu judanu.”

1 Koríntius 4:4

N ka na sinti nada na ña konsiensia, ma es i ka proba kuma N ka kulpadu. I Siñor ku na julgan.

2 Koríntius 1:12

Kusa ku no pudi njata nel: no konsiensia ta mostranu klaru kuma no vida na mundu, prinsipalmenti na no tratu ku bos, i sedu na puresa ku bardadi ku bin di Deus. I ka na jiresa di karni, ma i fabur di Deus.

Tiagu 3:2

Anos tudu no ta yara ciu, ma si algin ka ta yara na palabra, si dunu i diritu, i pudi tambi manda na tudu si kurpu.

1 Pedru 1:7

E probason i pa mostra kuma bo fe i di bardadi, pa i pudi mersi lovor ku gloria ku onra na dia ku Jesus Kristu na bin. Uru ku un dia ta kaba i ta probadu na fugu. Fe ku probadu ten garandi balur mas di ki uru.

1 Samuel 24:10

Aos propi bu oja ku bu uju kuma SIÑOR ntregau na ña mon ne kaverna. Utrus falan pa N matau, ma N popa bu vida. N fala kuma N ka na distindi ña mon kontra ña mestre, pabia i el ku SIÑOR unji.

1 Samuel 24:12

SIÑOR ta julga na metadi di mi ku bo, i ta tornau mal ku bu na fasin, ma ña mon ka na fasiu mal.

1 Samuel 26:11

SIÑOR ta libran di N distindi mon kontra si unjidu, ma bu pudi toma kañaku ku sta la lungu di si kabesa, ku jaru di yagu; no bai.”

1 Samuel 26:23

SIÑOR ta paga kada algin ku sedu justu i fiel. Aos SIÑOR ntregau na ña mon, ma N ka mistiba distindi ña mon kontra unjidu di SIÑOR.