Salmus 17:1 - BIBLIA - traduson antigu in Krioulo

¹ SIÑOR, obi ña pididu justu; para sintidu na ña gritus. Sukuta ña orason ku ka ta sai na boka di nganu.

Salmus 17:1 ပူးပေါင်းရင်းမြစ်များ

2 Samuel 22:24

N fika sin kulpa si dianti; N libra di fasi pekadu.

2 Kronikas 7:15

Disna di aos, ña uju na sta abertu, ña oreja na sta pruntu pa obi orason ku na fasidu ne kau li.

Neemias 1:6

jubi pa mi, bu yabri oreja, bu obi orason di bu servu ku N na fasi bu dianti aos, di dia ku di noti, pa fijus di Israel, bu servus. N konfesa pekadus ku anos fijus di Israel no fasi kontra bo; ami tambi ku familia di ña pape no peka.

Jo 16:17

ma ami N ka tene violensia na ña mon; ña orason i puru.

Salmus 102:2

Ka bu sukundin bu rostu na dia di ña foronta. Para oreja pa mi; na dia ku N comau, janti pa kudin.

Salmus 140:12

N sibi kuma SIÑOR na difindi kasu di kil ku kalkadu, tambi i na difindi diritu di koitadi.

Salmus 142:1

N yalsa ña vos, N coma SIÑOR, N fasi ña rogu pa SIÑOR ku vos altu.

Salmus 142:6

Kudin si N comau, pabia N sta disisperadu; libran di ña pirsigiduris, pabia e sedu mas forti di ki mi.

Salmus 143:1

O SIÑOR, obi ña orason, bu para oreja pa ña pididu. Kudin, suma ku bu sedu justu i fiel.

Salmus 145:18

SIÑOR sta pertu di tudu jinti ku ta comal, di tudu kilis ku ta comal ku bardadi.

Salmus 18:20

SIÑOR tratan diritu suma ña vida i justu; i pagan konformi puresa di ña mon,

Salmus 18:44

Logu ke obin, e ta obdisin; stranjerus na fika bas di mi.

Salmus 43:1

O Deus, diklaran justu; difindi ña kasu kontra jinti ku ka ta mporta ku bo; libran di omi mau ku ta konta mintida.

Salmus 5:2

Deus ña Rei, sukutan ora ku N comau, pabia abo ku N na papia ku el.

Salmus 54:4

Ma jubi, Deus i ña Judadur; SIÑOR i kil ku ta nguenta ña vida.

Salmus 55:18

I libran ku pas di ki gera ku manga di jinti lantanda kontra mi.

Salmus 61:1

O Deus, obi; N na comau; sukuta ña orason.

Salmus 61:2

N na comau na utru ladu di mundu, pabia ña korson sta disanimadu. Leban pa ki roca ki mas altu di ki mi,

Salmus 66:19

Ma, na bardadi, Deus sukutan, i para sintidu na ña orason.

Salmus 7:8

Abo, SIÑOR, ku na julga nasons, julgan konformi ña retidon ku bardadi ku sta na mi.

Salmus 84:9

O Deus, jubi pa no rei, bu oja ku fabur na kil ku bu unji.

Salmus 86:1

Mpina bu oreja, SIÑOR, bu kudin, pabia N sta forontadu, ku falta.

Salmus 86:6

Sukuta ña orason, SIÑOR, bu obi ña rogu.

Salmus 88:3

N sta fartu di mal, tok N ciga ja pertu di mortu.

Isaias 29:13

SIÑOR fala: “E pobu ta ciga pa mi son ku se boka, e ta ngaban ku palabra, ma se korson sta lunju di mi. Se adorason pa mi i ta ojadu son na mandamentus di omis ke ta nsinadu.

Jeremias 3:10

Ku tudu es, Judá, si irma infiel, i ka riba pa mi ku korson di bardadi, ma ku finjimentu.” Asin ku SIÑOR fala.

Mateus 15:8

‘E pobu ta ngaban ku se palabra, ma se korson sta lunju di mi.

Bon Noba di Jesus Kristu ku Jon 1:47

Jesus oja Natanael na bin pa el, i falal: “Ali un israelita puru ku ka ten finjimentu.”

1 Jon 3:21

Ña kiridu ermons, si no korson ka kondenanu, no fiansa dianti di Deus.