Salmus 149:3 - BIBLIA - traduson antigu in Krioulo

³ pa e ngaba si nomi ku flauta, pa e kanta salmus pa el ku tambriña ku arpa.

Salmus 149:3 ပူးပေါင်းရင်းမြစ်များ

Jeremias 31:13

Bajudas na kontenti, e na baja; jovens ku bejus na kontenti tambi. N na pui se cora pa i bida alegria; N na bidanta se tristesa kontentamentu.

Salmus 81:2

Bo pega na salteriu, bo toka tambriñas, bo fasi musika bonitu ku arpa ku viola.

Saida 15:20

Mirian, ku ta anunsiaba rekadu di Deus, irma di Aron, i toma tambriña na si mon. Tudu minjeris pega si tras, e na toka tambriñas, e na baja.

Salmus 30:11

Bu bidanta ña tristesa baju di kontentamentu; bu tira saku di cur ku N bistiba, bu bistin ku ropa di alegria,

2 Samuel 6:16

Oca arka di SIÑOR na yentra na prasa di Davi, Mikal, fiju di Saul, i na jubiba na janela, i oja rei Davi na baja, i na jukuta dianti di SIÑOR. I njutil na si korson.

2 Samuel 6:14

Davi, bistidu di un efodi di liñu, i na jukutaba ku tudu si forsa dianti di SIÑOR.

Ŝefis 11:34

Oca ku Jeftá ciga na si kasa na Mizpá, si fiju femia sai, i na baja, pa bai kontra ku el, ku tambriña. El son ki padiba; i ka teneba nin utru fiju, nin macu nin femia.

Salmus 33:2

Bo ngaba SIÑOR ku arpa, bo kanta pa el ku salteriu di des korda.

Esdras 3:10

Oca ku pedrerus pui alisersu di templu di SIÑOR, saserdotis toma se lugar, ku se ropa di sirmonia, ku kornetas. Ki levitas di familia di Asaf bin tambi, ku salterius, pa ngaba SIÑOR na manera ku Davi, rei di Israel, daba ordi.

1 Kronikas 16:42

Eman ku Jedutun, elis ku ta tokaba kornetas ku simbalus, ku utru instrumentus di musika di Davi, ma fijus di Jedutun e ta guardaba porton.

2 Kronikas 29:25

Rei sigi ordi ku SIÑOR daba Davi na boka di Gad (ku seduba anunsiadur di Deus na sirvis di rei) ku di anunsiadur Natan; asin i pui levitas na kasa di SIÑOR ku simbalus ku violas ku arpas.

1 Kronikas 25:6

Elis tudu e staba bas di se pape pa tarbaja na musika di kasa di SIÑOR, ku salterius, violas ku arpas, pa kultus na kasa di Deus. Asaf, Jedutun ku Eman e staba bas di ordi di rei.

2 Kronikas 20:28

E bin pa kasa di SIÑOR na Jerusalen ku violas, arpas ku kornetas.

Salmus 81:3

Bo toka korneta pa festival, na lua nobu, tambi ora ku lua firma.

Salmus 87:7

Kantaduris ku tokaduris di instrumentus e na kanta: “Tudu ña fontis sta na bo.”

Jeremias 31:4

O noiva Israel! N na torna kumpou, pa bu sedu kumpudu. Bu na toma bu tambriñas, bu na sai pa baja ku kilis ku sta kontenti.