Salmus 143:7 - BIBLIA - traduson antigu in Krioulo

⁷ O SIÑOR, kudin kinti-kinti; ña spiritu na dismaja. Ka bu sukundin bu rostu, pa N ka bin torna suma kilis ku na ria na koba.

Salmus 143:7 ပူးပေါင်းရင်းမြစ်များ

Salmus 102:2

Ka bu sukundin bu rostu na dia di ña foronta. Para oreja pa mi; na dia ku N comau, janti pa kudin.

Salmus 22:24

I ka dispreza, nin i ka disdangu sufrimentu di kil ku foronta, nin i ka sukundi si rostu del. Oca ku kila comal pa i sakural, i obil.

Salmus 27:9

Ka bu sukundi bu rostu di mi, nin ka bu ribantan ku raiba. Bu seduba ña ajuda; ka bu negan, nin ka bu bandonan, o Deus, ña Salbadur.

Salmus 28:1

O SIÑOR ña Roca, i abo ku N na coma; ka bu sedu surdu pa mi, pabia, si bu kala, bu ka kudin, N ta bin parsi ku kilis ku na ria pa koba.

Salmus 40:17

N sedu koitadi, N ten falta, ma SIÑOR ta pensa na mi. Abo i ña ajuda, ña libertadur; o ña Deus, ka bu tarda.

Salmus 69:17

Ka bu sukundi bu rostu di bu servu; kudin kinti-kinti pabia N sta forontadu.

Salmus 69:18

Ciga pertu, bu kaplintin; libran pabia di ña inimigus.

Salmus 69:3

N kansa grita; ña garganti seku; Ña uju pirdi forsa, manera ku N na pera pa Deus sakuran.

Salmus 70:5

Ma ami, N sta ku kasabi, N ten falta. O SIÑOR, janti pa bin judan. Abo i ña ajuda, ña libertadur. SIÑOR, ka bu tarda.

Salmus 71:12

O Deus, ka bu lunjusi di mi; ña Deus, janti pa sakuran!

Salmus 84:2

N misti sta la! Ña korson na dismaja ku faimadesa pa N pudi sta na kasa di SIÑOR. Ku korson ku tudu ña kurpu, N na kanta ku kontentamentu pa Deus bibu.

Ditus 13:12

Speransa ku diadu i ta pui korson duensi, ma vontadi yangasadu i arvuri di vida.

Isaias 38:18

Algin ku nteradu ka pudi ngabau; kil ku muri ja ka pudi dau gloria; kilis ku na ria pa koba di mortus ka na pera bu bardadi.

Isaias 57:16

N ka na ba ta keŝa di bo sempri, nin N ka na fika ku raiba tudu ora, pabia, si i asin, spiritu, ku sedu folgu di omi ku N kumpu, i na dismaja.

Isaias 8:17

SIÑOR sukundi si rostu di familia di Jakó, ma ami N na fiansa nel, N na pui ña speransa nel.

Lukas 21:26

Omis na dismaja ku medu, e na kuda na kusas ku na bin riba di mundu. Puderis ku sta na seu na bulbulidu.