Salmus 140:13 - BIBLIA - traduson antigu in Krioulo

¹³ Asin jinti justu na ngaba bu nomi, retus na mora na bu pursensa.

Salmus 140:13 ပူးပေါင်းရင်းမြစ်များ

Jo 36:6

I ka ta disa omi mau ku vida, ma i ta trata ku justisa kilis ku maltratadu.

Salmus 11:7

SIÑOR i justu, i ama korson di bardadi; i ta mostra si fabur pa kilis ku ta fasi diritu.

Salmus 16:11

Bu na mostran kamiñu di vida. Na bu dianti i ten garandi kontentamentu; na bu mon direita i ten kusas sabi ku ka ta kaba.

Salmus 23:6

N sibi kuma bu bondadi ku amor na kumpañan tudu dias di ña vida; N na mora na kasa di SIÑOR pa tudu ña vida.

Salmus 32:11

Abos ku sedu justu, bo fika alegri, bo kontenti na SIÑOR; abos tudu ku tene korson retu, bo kanta ku kontentamentu!

Salmus 35:10

Ku tudu ña korson N na fala: “SIÑOR, kin ku sta suma bo, ku ta libra koitadi di kil ku sedu mas forti di ki el? Sin, bu ta libra koitadi ku kil ku ten falta di kil ku na sploral.”

Salmus 73:24

Bu ta gian ku bu konsiju; dipus bu na risibin ku gloria.

Salmus 97:12

Abos ku sedu justu, bo kontenti na SIÑOR, bo ngaba si nomi sagradu.

Ditus 22:23

pabia SIÑOR na difindi si kasu; i na tira vida di kilis ku na robal kusas.

Isaias 3:10

Bo fala jinti justu kuma kusas na kuri elis diritu; e na kume frutu di ben ke fasi.

Bon Noba di Jesus Kristu ku Jon 14:3

Si N bai purpara bos lugar, N na bin utru bias, N na leba bos pa mi propi, pa nunde ku N sta nel, bo ta sta la tambi.

Bon Noba di Jesus Kristu ku Jon 17:24

Pape, kilis ku bu dan, N misti pa e sta juntu ku mi na kau ku N sta nel, pa e oja ña gloria ku bu dan, pabia bu aman antis di mundu kumpudu.

1 Tesalonisensis 4:17

Dipus, anos ku sta inda bibu, no na rabatadu juntu ku elis na nuven, pa kontra ku Siñor na ar. Asin no ta sta juntu ku Siñor pa sempri.