Salmus 13:3 - BIBLIA - traduson antigu in Krioulo

³ O SIÑOR ña Deus, jubi pa mi, bu kudin. Numia ña uju, pa ka N bin durmi ku sonu di mortu,

Salmus 13:3 ပူးပေါင်းရင်းမြစ်များ

Esdras 9:8

“Gosi, pa un bokadiñu di tempu, SIÑOR no Deus i mostranu fabur, i disanu utrus ku kapli, i danu un kau firmi ne lugar sagradu, i pui no uju pa i tene lus; i judanu pa no tene nobu vida mesmu na no katiberasku.

Salmus 119:153

Jubi pa ña sufrimentu, bu libran, pabia N ka diskisi di bu lei.

Salmus 18:28

Abo bu ta sindi ña kanderu; SIÑOR ña Deus na bidanta ña sukuru klaridadi.

Salmus 25:19

Jubi kuma ku ña inimigus ciu; e odian ku forsa.

Salmus 31:7

N na ten kontentamentu ku alegria na bu bondadi, pabia bu oja pa ña sufrimentu, bu kunsi ña kasabi.

Salmus 5:1

O SIÑOR, para sintidu na ña palabras, bu nota ña pensamentus.

Salmus 9:13

Ten pena di mi, SIÑOR! Jubi manera ku kilis ku ka gosta di mi e pun pa N sufri. Lantandan di portas di mortu,

Jeremias 51:39

Ora ke sta ben dispostu, N na fasi festa, N na caminti elis pa e kontenti, e jukuta; dipus e na durmi un sonu fundu; nunka mas e ka na korda. I ami, SIÑOR, ku fala.

Jeremias 51:57

N na caminti se ŝefis, se omis jiru, se kapitons, se gubernaduris ku se omis forti. E na durmi un sonu fundu, e ka na korda mas.” Asin ku Rei ku tene nomi di SIÑOR ku ten tudu puder fala.

Miskiñu di Jeremias 5:1

SIÑOR, lembra ke ku pasa ku nos. Pensa, bu jubi pa no borgoña.

Lukas 2:32

I lus pa numia jintius, tambi i pa sedu gloria pa bu pobu Israel.”

Efésius 5:14

E ku manda i fala na un kantiga: “Korda, abo ku na durmi! Lanta na metadi di mortus; Kristu ta numiau.”

Apokalipsi 21:23

Prasa ka pirsisa di sol nin di lua pa numia nel, pabia gloria di Deus ku ta numial; Karnel ku sedu si kanderu.

1 Samuel 14:27

ma Jonatas ka obiba oca si pape konta tropas ki juramentu. I pui ponta di po ki teneba na mon, i mojal na bagus di mel, i pui na boka, i sinti si forsa arnobadu.

1 Samuel 14:29

Jonatas fala: “Ña pape fasi mal pa no pobu. Bo jubi manera ku ña forsa arnobadu pa manera ku N kume son un bokadu de mel.