Salmus 127:2 - BIBLIA - traduson antigu in Krioulo

² I ka bali pena mandurga, bu dita tardi, bu tarbaja ciu pa oja kumida, pabia i ta dal pa kilis ki ama, nkuantu e na durmi.

Salmus 127:2 ပူးပေါင်းရင်းမြစ်များ

Jo 11:18

Bu na sta suguru, pabia speransa na ten. Bu na jubi na bu roda, bu na diskansa suguru.

Salmus 3:5

N ta dita, N durmi; N ta korda, pabia SIÑOR ta suguran.

Salmus 4:8

N na dita, N durmi ku pas, pabia i abo son, SIÑOR, ku fasin pa N mora suguru.

Salmus 60:5

Salbanu ku bu mon direita, bu obinu, pa kilis ku bu ama pudi libertadu.

Ditus 10:22

Benson di SIÑOR ta tisi rikesa; i ka ta buri tristesa riba del.

Eklesiastis 1:14

N jubi diritu pa tudu tarbaju ku ta fasidu bas di sol, N oja kuma tudu i bakatela, suma kin ku na serka bentu.

Eklesiastis 4:8

I ten un omi ku sta el son, ku ka tene fiju nin ermon; i ta tarbaja sin para, pabia i ka ta farta junta rikesa. I ka ta punta: “Kin ku N na tarbaja pa el, manera ku N ta nega diskansa pa N goza ña vida?” Es tambi i bakatela, i un vida kansadu.

Eklesiastis 5:12

Tarbajadur ta durmi sabi, nin si i kume ciu o i kume puku, ma omi riku tene kusas ciu tok i ka ta pudi durmi.

Eklesiastis 6:7

Tudu tarbaju di omi i pa si boka, ma nunka i ka ta sinti kuma i farta.

Jeremias 31:26

Na ki ora N korda, N jubi na roda; N oja kuma ña sonu i sabi.

Ezekiel 34:25

“‘N na fasi kontratu di pas ku elis. N na kaba ku limaria brabu na tera; e na mora suguru na lala, e na durmi na matu.