Salmus 113:3 - BIBLIA - traduson antigu in Krioulo

³ Desdi saida di sol te na si kaida, nomi di SIÑOR dibi di ngabadu.

Salmus 113:3 ပူးပေါင်းရင်းမြစ်များ

Salmus 18:3

N na coma nomi di SIÑOR ku mersi ngabadu; asin N ta fika libri di ña inimigus.

Salmus 48:10

Suma ku bu nomi i garandi, asin ku bu fama ta yangasa tudu parti di mundu. Bu mon direita ta guberna ku justisa.

Salmus 50:1

SIÑOR, Deus ku ten tudu puder, i papia, i coma tudu mundu, desdi saida di sol te na si kaida.

Salmus 72:11

Tudu reis na mpina si dianti; tudu nasons na sirbil.

Salmus 86:9

Tudu nasons ku bu kumpu na bin mpina bu dianti, SIÑOR, e na glorifika bu nomi,

Isaias 24:16

Di lugar mas lunju di mundu no obi jinti ku na kanta: “Gloria pa Deus justu!” Ma ami N fala: “Kurpu na kaba ku mi! Koitadi di mi! Kurpu na kaba ku mi! Falsiaduris na falsia; sin, falsiaduris e mas na falsia!”

Isaias 49:13

Seu, kanta ku alegria! Abo, tera, fika kontenti! Abos montis, bo rebenta ku kantigas, pabia SIÑOR konsola si pobu; i na bin sinti pena di si pobu ku forontadu.

Isaias 59:19

Omis na rispita nomi di SIÑOR desdi kaida di sol; e na rispita si gloria desdi saida di sol. Ora ku inimigu bin suma korenti di yagu, Spiritu di SIÑOR na serkal tok i kuri.

Abakuk 2:14

Ma mundu na inci ku kuñisimentu di gloria di SIÑOR suma yagu ta kubri mar.

Malakias 1:11

Ña nomi na sedu garandi na metadi di nasons desdi saida di sol te na si kaida; na tudu lugar nsensu ku ofertas puru na pursentadu na ña nomi, pabia ami N na sedu garandi na metadi di nasons.” Asin ku SIÑOR ku ten tudu puder fala.

Apokalipsi 11:15

Setimu anju toka si korneta. I obidu manga di vos forti na seu, ku fala: “Puder pa manda riba di mundu i pasa ja pa no Siñor ku si Kristu; i na rena pa tudu sempri.”