Salmus 112:9 - BIBLIA - traduson antigu in Krioulo

⁹ I ta da ciu pa koitadis; si retidon na kontinua pa sempri; i na garandisidu ku gloria ku puder.

Salmus 112:9 ပူးပေါင်းရင်းမြစ်များ

Salmus 111:3

Si tarbaju ten gloria ku puder; si retidon ka na kaba.

Salmus 112:3

Si kasa na inci ku rikesa ku tudu kusas bon; si retidon na kontinua pa sempri.

Salmus 75:10

N na kebra tudu forsa di jinti mau, ma forsa di justus na yalsadu.

Salmus 92:10

ma bu na aumenta ña forsa suma kil di turu brabu; bu na untan ku azeiti fresku.

Salmus 92:11

Ña ujus na oja kastigu di ña inimigus; ña orejas na obi di kaida di kilis ku ta fasi mal, ku ta lanta kontra mi.

Ditus 14:24

Jinti jiru ta risibi koroa di rikesa, ma tulu ta fajadu son ku tulesa.

Ditus 19:17

Kin ku pati koitadi un kusa, i pista SIÑOR; SIÑOR na bin pagal si bondadi.

Ditus 21:26

Tudu dia i na pensa son na kil ki misti, ma omi bon ta da ku mon abertu.

Eklesiastis 11:6

Sumia bu simentera parmaña; di tardi ka bu diskansa bu mon, pabia bu ka sibi kal ku na padi, es o kila la, o si tudu dus na bali na mesmu.

Eklesiastis 3:6

tempu di buska, tempu di para buska; tempu di rakada, tempu di bota fora;

Isaias 32:8

Algin retu ta fasi kusas onestu, i ta fika firmi na si onestidadi.

Isaias 58:10

si bu yabri bu korson pa kil ku tene fomi, bu fartanda kil ku kalkadu, bu lus na numia na sukuru; bu sukuru na sedu suma me-dia.

Isaias 58:7

Tambi i pa bu rapati bu kumida ku kil ku tene fomi, bu rukuji koitadis refuẑiadu na bu kasa, bu kubri kil ku bu oja i na yanda nun, tambi pa bu ka nega juda bu parentis.

Mateus 6:4

pa bu simola pudi dadu sukundidu na sigridu, pa bu Pape ku ta oja kusa ku ta fasidu na sigridu pudi bin pagau.

Markus 14:7

Sempri bo na tene koitadis ku bos. Bo pudi juda elis ora ku bo misti, ma ami, i ka sempri ku bo na tenen.

Lukas 11:41

Bo pati kil ku bo tene pa pobris; asin tudu kusas ta sedu limpu pa bos.

Lukas 12:33

Bo bindi kil ku bo tene, bo da pobris. Bo ranja pa bos kartera ku ka ta beju, ku rikesa na seu ku nunka ka ta kaba, nunde ku ladron ka ta ciga, nin bagabaga ka ta kumel,

Lukas 16:9

Ami N na konta bos, bo toma rikesa de mundu, bo ranja amigus ku el, pa ora ki kaba, ki amigus ta risibi bos na moradas ku nunka ka na kaba.

Lukas 18:22

Oca ku Jesus obi es, i falal: “I faltau inda un kusa. Bindi tudu ku bu tene, bu da pobris diñeru, bu ta tene rikesa na seu. Dipus bu ta bin, bu sigin.”

Bon Noba di Jesus Kristu ku Jon 13:29

ma, suma ku Judas ta rakada diñeru, utrus pensaba kuma Jesus falal pa i kumpra kusa ki pirsis pa festival, o pa i bai da pobris kualker kusa.

Atus 20:35

N mostra bos na tudu kusa kuma no dibi di tarbaja ciu pa pudi juda duentis ku frakus. No dibi di lembra palabra di Siñor Jesus ku fala: ‘I mas minjor da di ki bo risibi.’ ”

Atus 4:35

E ta rapatil konformi kada kin ten falta.

Romanus 12:13

Bo juda krentis ku ten nesesidadi, bo sedu gasijadur di ospri.

2 Koríntius 8:9

Bo sibi kuma no Siñor Jesus Kristu staba pruntu pa da. El i seduba riku, ma pa amor di bos i bida pobri, pa i pudi fasi bos riku pabia di si pobresa.

Ripitison di Lei 15:11

Sempri i na ten jinti koitadi na metadi di Israel. E ku manda N dau ordi, N falau: Yabri diritu bu mon pa bu ermon ku ten falta, kil ki koitadi na bu tera.

Ripitison di Lei 15:14

Yabri bu mon bu dal un parti di kil ku SIÑOR bu Deus bensuau ku el, di limaria, biñu ku miju.

Ripitison di Lei 24:13

Ora ku sol na noti, sin falta bu ta tornal el, pa i pudi durmi ku si ropa, i bensuau. SIÑOR bu Deus ta oja kuma bu fasi un kusa ki diritu.

1 Timótiu 6:18

Fala elis pa e fasi ben, pa e rikusi ku bon obra, pa e sta pruntu pa da, pa e rapati ku utrus.

Ebreus 13:16

Ka bo diskisi di fasi ben, bo rapati ku utrus kil ku bo tene, pabia i e koldadi sakrifisiu ku Deus ta kontenti ku el.

Ebreus 6:10

Deus i ka injustu pa diskisi di bo tarbaju, ku amor ku bo mostra pa el, manera ku bo sirbi si pobu, suma ku bo na fasi te gosi.

Apokalipsi 22:11

Kil ki mau, pa i kontinua na si malvadesa; kil ki susu pa i fika na si susidadi; kil ki bon pa i kontinua na si bondadi; kil ki puru, pa i kontinua sedu puru.”

1 Samuel 2:1

Ana ora, i fala: “Ña korson sta kontenti na SIÑOR; SIÑOR yalsa ña kabesa. N na ri ña inimigus, pabia N sta kontenti manera ku bu salban.

1 Samuel 2:30

“E ku manda SIÑOR, Deus di Israel, fala kuma, na bardadi, i falaba kuma bu familia ku familia di bu pape na sirbi si dianti pa sempri, ma gosi SIÑOR fala: ‘Gosi ja N ka na seta e kusa! Kilis ku rispitan, N na rispita elis; kilis ku njutin, N na njuti elis.