Salmus 103:4 - BIBLIA - traduson antigu in Krioulo

⁴ I el ku ta libra ña vida di koba di mortu, i ta bensuan ku amor ku bondadi.

Salmus 103:4 ပူးပေါင်းရင်းမြစ်များ

Kumsada 48:16

ki anju ku kaplintin di tudu mal, pa i bensua e rapasis, pa e comadu na ña nomi, ku nomi di ña papes Abraon ku Isak; pa e buri suma multidon na tera.”

Salmus 103:12

Suma ku saida di sol ku si kaida sta lunju di ŋutru, asin ku SIÑOR ta lunjusinu no pekadus.

Salmus 21:3

Bu dal bensons di rikesa, bu pui koroa di uru finu na si kabesa.

Salmus 34:22

SIÑOR ta kaplinti si servus; nin un di kilis ku fiansa nel ka na kondenadu.

Salmus 5:12

pabia abo, SIÑOR, bu na bensua jinti justu, bu na taja elis ku bu tajadera di bondadi.

Salmus 56:13

pabia bu libran di mortu, bu libra ña pe di da tapada, pa N pudi yanda dianti di Deus na lus di jinti bibu.

Salmus 65:11

Anu ta kaba ku kebur ciu pabia di bu bondadi. Tudu kau ku bu yanda, rikesa ta ten la.

Salmus 71:23

N na grita ku kontentamentu, ora ku N kanta salmus pa bo ku ña korson, pabia bu libran.

Salmus 8:5

Bu fasil un bokadu mas pikininu di ki anjus; bu pul koroa di gloria ku onra.

Isaias 38:17

I pa N pudi ten pas ku N pasa na garandi kasabi. Abo, ku bu garandi amor, bu guardan pa ka N kai na koba di mortu, pabia bu bota tudu ña pekadus tras di bu kostas.

Isaias 54:8

N paña raiba garandi, N sukundi ña rostu di bo pa un bokadu di tempu, ma N na sinti pena di bo ku bondadi ku ka ta kaba.” Asin ku SIÑOR, bu Libertadur, fala.

Tiagu 1:12

Sortiadu un algin ku nguenta tentason, i fika fiel, pabia, dipus di pasa proba, i ta risibi premiu ku sedu vida ku Deus fala i na da kilis ku amal.

1 Pedru 5:4

Ora ku Ŝef di Pastoris bin, bo na risibi koroa di gloria ku ka ta murca.

Apokalipsi 5:9

E na kantaba un kantiga nobu ku fala: “Abo i mersidur di toma libru, pa kebra si selus, pabia bu matadu; ku bu sangi bu kumpra omis pa Deus di tudu rasa, tudu lingua, tudu pobu ku tudu nason.