Salmus 100:5 - BIBLIA - traduson antigu in Krioulo

⁵ pabia SIÑOR i bon; si amor ka ta kaba. El i fiel pa kada manjuandadi, pa tudu sempri.

Salmus 100:5 ပူးပေါင်းရင်းမြစ်များ

1 Kronikas 16:34

Bo ngaba SIÑOR pabia el i bon; si bondadi i pa sempri.

2 Kronikas 5:13

Asin e toka kornetas, e kanta juntu ku armonia pirfitu, pa gardisi Deus, pa ngabal. E yalsa vos, kumpañadu ku kornetas, simbalus ku utru instrumentus di musika, e ngaba Deus, e kanta: “El i bon; si bondadi i pa sempri.” Nuven bin inci kasa di SIÑOR.

Esdras 3:11

E kanta, e kudi ŋutru, e ngaba SIÑOR, e kanta kantiga ku fala: “SIÑOR i bon; si bondadi pa Israel i pa sempri.” Tudu jinti grita risu ku kontentamentu, e ngaba SIÑOR, pabia alisersu di si kasa pudu ja,

Salmus 103:17

Antis di kumsada te dipus di kabantada, bondadi di SIÑOR sta riba di kilis ku rispital; si retidon sta riba delis ku se fijus ku netus,

Salmus 106:1

Bo ngaba SIÑOR! Bo gardisi SIÑOR pabia el i bon; si bondadi i pa sempri.

Salmus 107:1

Bo gardisi SIÑOR, pabia el i bon; si bondadi i pa sempri.

Salmus 107:15

I bon pa e gardisi SIÑOR pa si bondadi, ku kusas garandi ki fasi pa jinti,

Salmus 107:22

E dibi di gardisil ku sakrifisius, e kanta ku kontentamentu pa konta ke ki fasi.

Salmus 107:8

I bon pa e gardisi SIÑOR pa si bondadi, ku kusas garandi ki fasi pa jinti,

Salmus 119:68

Abo i bon, bu ta fasi ben; nsinan bu regras.

Salmus 138:8

SIÑOR na kumpri si planu pa mi; ka bu bandona bu tarbaju na metadi. SIÑOR, bu bondadi i ta tarda pa sempri.

Salmus 146:6

ku kumpu seu ku tera ku mar ku tudu ku sta nel, ku manti fiel pa sempri.

Salmus 25:8

SIÑOR i bon, i justu; pabia di kila, i ta nsina pekaduris si kamiñu.

Salmus 36:5

SIÑOR, bu bondadi ciga te na seu; bu bardadi yangasa nuvens mas altu.

Salmus 52:1

Omi di forsa, ke ku manda bu na njata na maldadi? Bondadi di Deus ta tarda pa sempri.

Salmus 85:10

Bondadi ku bardadi e junta; retidon ku pas e beẑa ŋutru.

Salmus 86:5

SIÑOR, abo i bon, bu sta pruntu pa purda. Bu riku na bondadi pa tudu kilis ku comau.

Jeremias 33:11

baruju di kontentamentu ku alegria, ku vos di noivu ku noiva, ku kantiga di jinti ku na kanta pa bai leba ofertas di gardisimentu pa kasa di SIÑOR, ku na fala: ‘Bo ngaba SIÑOR ku ten tudu puder, pabia el i bon; si bondadi i pa sempri.’ N na fasi e tera riku suma ki seduba na kumsada. I ami, SIÑOR, ku fala.”

Mikeias 7:20

Bu na sedu fiel pa Jakó, bu na sedu bon pa Abraon, suma ku bu jurmenta pa no papes disna di tempu antigu.

Naun 1:7

SIÑOR i bon; i kau forti na dia di foronta, i kunsi kilis ku fiansa nel.

Lukas 1:50

I na ten pena di kilis ku rispital, ku se fijus pa dianti.

Ripitison di Lei 7:9

Asin bu dibi di ntindi kuma SIÑOR bu Deus, el ki Deus; i Deus fiel ku ta guarda si kontratu. I na mostra bondadi te mil manjuandadi di kilis ku amal, e obdisi si mandamentus,

Titu 1:2

na speransa di vida ku ka ta kaba. Deus, ku ka ta konta mintida, falaba ja antis di kumsada di tempu, kuma i na danu e vida.