Salmus 10:4 - BIBLIA - traduson antigu in Krioulo

⁴ Pabia di si orgulyu, omi mau ta njuti SIÑOR. Na tudu si pensamentus, Deus ka sta la.

Salmus 10:4 ပူးပေါင်းရင်းမြစ်များ

Kumsada 6:5

SIÑOR oja maldadi di omis na buriba na tera. Tudu se manera di pensa na se korson i seduba son mau.

Jo 22:17

E ta falaba Deus: ‘Disanu!’ E ta punta: ‘Ke ku Deus ku ten tudu puder pudi fasinu?’

Salmus 101:5

N na kaba ku kil ku na rui si visiñu. N ka na nguenta kil ku ta ronka ku korson di orgulyu.

Salmus 18:27

Bu ta salba jinti umildi, ma bu ta bati jinti orgulyosu.

Salmus 27:8

Oca ku bu fala: “Bo buska ña rostu,” ña korson falau: “SIÑOR, N na buskau.”

Salmus 36:1

Pekadu ta papia ku omi mau na fundu di si korson; i ka ta rispita Deus, nin i ka ta mporta ku el.

Salmus 53:1

Tulus ta fala na se sintidu: “Deus ka ten.” E sta kuruptu, e ta fasi kusas nujenti. I ka ten kin ku ta fasi diritu.

Salmus 73:11

E ta punta: “Kuma ku Deus na sibi? Nta kil ku sta riba di tudu i ten kuñisimentu?”

Saida 5:2

Faraó punta: “Kin ki e SIÑOR ku N na obdisi si ordi pa N larga Israel? N ka kunsi e SIÑOR, nin N ka na larga Israel.”

Ditus 21:4

Pa jubi riba ku korson di orgulyu i kanderu ku ta gia jinti mau na se pekadu.

Ditus 30:13

I ten jinti ku ta yalsa se kabesa, e pensa kuma e mas tudu jinti.

Ditus 30:9

Si N bin tene ciu dimas, N pudi negau, N punta: “Kin ki SIÑOR?” O N pudi torna koitadi, N bin furta, N tisi borgoña na nomi di Deus.

Ditus 6:17

Uju di orgulyu, lingua di mintida, mon ku ta darma sangi di algin ku ka ten kulpa,

Eklesiastis 8:11

Suma ku kusa mau ku algin fasi i ka julgadu nin i ka kastigadu sedu, korson di omis sta tudu pruntu pa fasi mal.

Isaias 2:11

Ujus di jinti ku ta yalsa kabesa e na baŝadu; orgulyu di omis i na kabadu ku el. Son SIÑOR ku na yalsadu na ki dia,

Isaias 3:9

Se rostu ta mostra se kulpa; elis e ta peka dianti di jinti suma jinti di Sodoma ta pekaba; e ka ta sukundi. Ai delis! E ta fasi mal pa se kabesa.

Isaias 59:7

Se pe ta kuri pa mal; e ta janti pa darma sangi di algin ku ka ten kulpa. Na se kabesa e tene son pensamentus di pekadu; na se kamiñu, i son batimentu ku danu.

Isaias 65:2

Tudu dia N distindi ña mon pa un pobu rebeldi, ku ta yanda na kamiñu ki ka bon, ku na fasi konformi se propi pensamentus,

Jeremias 2:31

“O Israel, bo pensa diritu na palabra di SIÑOR. Nta ami N sedu pa Israel suma lala, o suma un con sukuru dimas? Ke ku manda ña pobu na fala: ‘No sta libri di bo; nunka mas no ka na bin pa bo’?

Jeremias 4:14

O Jerusalen! Laba bu korson di maldadi, pa bu sedu salbu. Te kal tempu ku bu na kontinua tene mau pensamentus?

Sofonias 1:12

“Na ki tempu N na bai ku kanderus pa rabista Jerusalen. N na kastiga jinti diskansadu, ku sedu suma biñu ku sinta. E pensa: ‘SIÑOR ka ta fasi nada, nin ben nin mal.’

Sofonias 2:3

Bo buska SIÑOR, abos, tudu jinti mansu di tera, ku ta obdisi si lei. Bo buska sedu justu, bo sedu mansu; talves bo na sukundidu na dia di raiba di SIÑOR.

Markus 7:21

pabia i di dentru di korson di algin ki ta sai pensamentus mau, ku pekadu seksual, furtu, matansa,

Atus 8:22

Ripindi de mal ku bu fasi, bu pidi Deus pa i purdau e pensamentu ku sta na bo,

Romanus 1:21

E kunsi Deus ma e ka rispital suma Deus, nin e ka gardisil. Se ntindimentu saklata; se korson tulu bida sukuru.

Romanus 1:28

Suma ke ka mporta pa kunsi Deus, Deus tambi bandona elis pa pensamentu mau pa e fasi kusas ku ka bali.

Efésius 2:12

Na ki tempu bo staba separadu di Kristu; bo ka pertensiba pobu di Israel; bo staba fora di kontratu ku purmesa ku Deus da si pobu. Bo staba na mundu sin speransa, tambi sin Deus,

Ripitison di Lei 8:14

toma sintidu pa ka bu korson inci ku orgulyu tok bu diskisi di SIÑOR bu Deus ku tirau di Ejitu, tera di katiberasku.