Salmus 10:3 - BIBLIA - traduson antigu in Krioulo

³ Omi mau ta sinti orgulyu di si diseẑus. I ta fala ben di kil ku misti tudu; i ta koba mal kontra SIÑOR.

Salmus 10:3 ပူးပေါင်းရင်းမြစ်များ

1 Reis 20:25

Ranja utru tropas na mesmu numeru di kilis ku bu pirdi, ku kabalus ku karus tambi na mesmu numeru. No ten ku geria ku elis na kau rasu. Asin no na sedu mas forti di ki elis.” Rei seta ke ke falal, i fasi suma ke fala.

Jo 31:24

“N ka pui ña speransa na uru, nin N ka fala uru finu: ‘Abo ki ña fiansa.’

Salmus 35:21

E ta yabri boka e grita kontra mi, e fala: “Yo! Yo! No ojal ku no uju!”

Salmus 49:18

Nin ki pensa kuma el i sortiadu na si vida, manera ku jinti ta ngabal pabia kusas na kuril diritu,

Salmus 49:6

ku sedu kilis ku fiansa na kusas ke tene, ku ta njata na se manga di rikesa?

Salmus 5:6

Bu na kaba ku kilis ku ta konta mintida; SIÑOR ka ta kontenti ku jinti ku ta darma sangi, nin ku nganaduris.

Salmus 52:1

Omi di forsa, ke ku manda bu na njata na maldadi? Bondadi di Deus ta tarda pa sempri.

Salmus 94:4

Kilis ku ta fasi pekadu e ta fala kusas duru, e ta njata.

Saida 15:9

Inimigu njata, i fala: ‘N na serka elis tok N paña. N na rapati se rikesa; N na toma tudu ku N misti delis. N na busi ña spada; ku ña mon N na mata elis.’

Ditus 28:4

Kilis ku ta bandona lei e ta ngaba omis mau, ma kilis ku ta obdisi lei e ta risisti elis.

Eklesiastis 7:15

Na tudu ña vida di bakatela N oja e kusa: un justu ku muri na si justisa ku omi mau ku teneba vida kumpridu na si malvadesa.

Isaias 37:23

Kin ku bu na koba, bu fala mal del? Kin ku bu yalsa fála kontra el oca ku bu yalsa uju ku orgulyu? Bu fasil kontra Deus Santu di Israel!

Isaias 57:17

N tenba raiba pabia di pekadu di se korsonudu; e ku manda N kastiga elis, N ka da elis rostu pabia di ña raiba, ma e kontinua risu kabesa na kamiñu ke misti.

Jeremias 22:17

Ma bu uju ku bu korson ta pui sintidu son pa ngaña ku tarpasa, pa darma sangi di kil ku ka ten kulpa, pa kalka jinti, pa toma kusas ku violensia.

Sirmonias 26:30

N na dana bo altaris na montis, N na kaba ku bo altaris di nsensu, N na bota bo difuntus riba di kurpus di bo idulus ku ka tene vida; N na nfastia bos.

Abakuk 2:9

“Ai di kil ku junta na si kasa rikesa ki ngaña na un manera mau, pa pui si niñu na kau altu, pa libra di puder di mal!

Lukas 12:15

I fala pobu: “Bo toma sintidu, bo libra di tudu koldadi kubisa, pabia vida di algin i ka sta na manga di kusa ki tene.”

Lukas 12:19

N ta fala ña kabesa: ‘Omi, bu tene manga di kusa guardadu pa manga di anu. Diskansa, bu kume, bu bibi, bu divirti.’

Romanus 1:29

E inci ku tudu koldadi pekadu, maldadi, malisia ku kubisa; e inci tambi ku nveẑa, matansa, gera, nganu ku ruñesa;

Romanus 1:32

E jinti e kunsi lei di Deus diritu, ku fala kuma kilis ku ta fasi e koldadi kusas e mersi mortu, ma i ka son kuma e ta fasil; tambi e ta kontenti pa utrus fasil.

1 Koríntius 6:10

Ka bo ngana bo kabesa, pabia kilis di mau vida, kilis ku ta adora idulus, kilis ku ta fasi pekadu seksual, kilis ki omoseksual, ladrons, kilis ku risu mon, camiduris, kobaduris di mal ku nturjons, e ka na ten parti na renu di Deus.

Efésius 5:5

Bo pudi ten sertesa kuma, algin ku ta fasi pekadu seksual, o kil ku tene vida susu, o kil ku ten kubisa (ki suma idulatria), i ka pudi pertensi renu di Kristu, ku sedu renu di Deus.

Ripitison di Lei 29:19

Algin ku si korson sta disviadu, ora ki obi palabras de maldison, i ta njata na si korson, i fala: “N na ten pas, mesmu ku N kontinua na yanda na ña temusia ku camidera.” Ma es na tisi kastigu garandi.

Ripitison di Lei 32:19

SIÑOR oja kila, i paña raiba kontra si fijus macu ku femia, i nega elis.

Kolosensis 3:5

Bo mata ki partis na bos ku sedu di tera, suma pekadu seksual, susidadi, diseẑu mau, vontadi forti pa mal, ku risu mon (ku sedu suma adora idulu).

Tiagu 4:13

Agora bo sukuta, abos ku ta fala asin: “Aos o amaña no na bai pa tal prasa; no na fika la un anu pa no nogosia, pa no ngaña.”

Tiagu 4:16

Ma abos bo ta njata na bo fiansa. Tudu njatamentu de koldadi i mau.

1 Jon 2:15

Ka bo ama mundu nin kusas ku sta nel. Si algin ama mundu, amor di no Pape ka sta nel,

Ŝefis 17:2

I fala si mame: “Bu lembra di ki mil i sen mueda di prata ke furtauba? N obiu bu na maldisua ki ladron. N tene ki diñeru; i ami ku tomalba.” Si mame falal: “SIÑOR ta bensuau, ña fiju.”

1 Samuel 23:21

Saul fala elis: “SIÑOR ta bensua bos, pabia bo ten pena di mi.