Salmus 1:3 - BIBLIA - traduson antigu in Krioulo

³ I na sedu suma arvuri ku parantadu lungu di korenti di yagu, ku ta padi si fruta na tempu propi, ku si fojas ka ta konkoñi; tudu ku ki omi fasi i ta kuri diritu.

Salmus 1:3 ပူးပေါင်းရင်းမြစ်များ

Kumsada 39:23

Ŝef di kalabus ka ta kuda ku nada ku staba na mon di José, pabia SIÑOR staba ku José, i ta pui tudu kil ki na fasi pa i kuri diritu.

Kumsada 39:3

Si dunu oja kuma SIÑOR staba ku José, pabia tudu kil ki fasi, SIÑOR ta pui pa i kuril diritu.

2 Reis 18:7

Asin SIÑOR staba ku el; tudu kusa ki sai pa bai fasi, i ta kuril diritu. I lanta kontra rei di Asiria, i fika libri del.

1 Kronikas 22:11

“Asin, ña fiju, pa SIÑOR sta ku bo; N dija pa kusas kuri diritu na bu vida, pa bu kumpu kasa di SIÑOR bu Deus, suma ki fala aserka di bo.

1 Kronikas 22:13

Si bu toma sintidu pa kumpri leis ku regras ku SIÑOR da Moisés pa Israel, kusas na kuriu diritu. Sedu forti, bu ten koraẑen; ka bu medi nin ka bu panta.

2 Kronikas 31:21

Tudu kuril diritu, pabia ora ki kumsa fasi kualker tarbaju pa sirvis di kasa di Deus, i ta fasil konformi lei ku mandamentus, i ta buska si Deus, i tarbaja ku tudu korson.

2 Kronikas 32:23

Manga di jinti bin pa Jerusalen, e tisi ofertas pa SIÑOR, ku kusas di balur pa Ezekias, rei di Judá. Disna di ki tempu Ezekias ngaña rispitu dianti di uju di tudu nasons.

Jo 14:9

ma si i sinti ceru di yagu i ta rebenta si fojas, i ta larga ramus suma planta.

Jo 22:28

Si bu tene planu pa un projetu, i na kuriu diritu; lus na lampra na bu kamiñu.

Salmus 128:2

Bu na kume frutu di bu tarbaju; bu na sta kontenti; kusas na kuriu diritu.

Salmus 129:8

Tambi, kilis ku pasa e ka na fala: “Benson di SIÑOR ta sta riba di bos; anos no na bensua bos na nomi di SIÑOR.”

Salmus 92:14

Na se bejisa e na padi inda frutu, e na fika forti i fresku,

Salmus 92:15

pa anunsia: “SIÑOR i retu; el i ña Roca; i ka ten injustisa nel.”

Isaias 27:11

Ora ku si ramus seku, e ta kebradu; minjeris ta bin kuji elis pa leña, pabia e pobu ka ta ntindi. Pabia di kila, kil ku kumpu elis, i forma elis, i ka na sinti pena delis, nin i ka na mostra elis nin un fabur.

Isaias 3:10

Bo fala jinti justu kuma kusas na kuri elis diritu; e na kume frutu di ben ke fasi.

Isaias 44:4

E na kirsi suma paja na tempu di cuba, suma salgerus pertu di lagua.

Isaias 58:11

SIÑOR na giau sempri, i na fartandau te na kau seku, i na fortifika bu os. Bu na sedu suma jardin ku ta reguadu diritu, suma fonti ku ka ta falta yagu.

Jeremias 17:8

I na sedu suma arvuri ku parantadu lungu di yagu, ku ta larga si rais pa riusiñu; i ka ta sinti medu ora ku kalur na bin, ma si foja ta fika sempri nobu. Na anu ku cuba ka cubi, i ka ta fika kansadu, nin i ka ta disa di padi fiju.”

Ezekiel 17:8

Ma i parantaduba na bon lugar, lungu di manga di yagu, pa i pudi larga si ramu, pa padi si fruta, pa i sedu bon pe di uva.’

Ezekiel 19:10

“Bu mame seduba pe di uva na orta, parantadu lungu di yagu; I ta padiba ciu, i larga manga di ramu, pabia di manga di yagu.

Ezekiel 31:5

Asin i bin sedu mas altu di ki tudu arvuris di matu; si ramus torna ciu, e kumpridu, pabia di manga di yagu.

Ezekiel 47:12

Lungu di riu, na tudu dus ladu, i na ten manga di koldadi arvuris di fruta ku ta kumedu. Se fojas ka na kai, ku fadi pa e falta fruta. E na padi se fruta na kada mis, pabia se yagu sai na kau sagradu. Se fruta na sedu kumida, se foja na sedu mesiñu.”

Numerus 24:6

E ta distindi na fila suma riusiñu na kobon, suma jardins lungu di rius, suma arvuris di aloés ku SIÑOR paranta, suma tambi sedrus lungu di yagu.

Mateus 13:6

Sol sai, i kemal; planta seku, pabia i ka teneba rais.

Mateus 21:19

I oja un figera pertu di kamiñu, i bai pa el, i ka oja nada la di kume, son pajas. I falal: “Nunka mas bu ka na padi fruta!” Na ki ora figera seku janan.

Mateus 21:34

“I ciga tempu di fruta; i manda si kriadus pa labraduris pa e dal si parti di fruta.

Mateus 21:41

E fala: “I na kaba ku ki labraduris mau na un manera meduñu; i na luga orta pa utru labraduris ku ta dal si parti di fruta na si tempu.”

Bon Noba di Jesus Kristu ku Jon 15:6

Kin ku ka sta na mi i na botadu fora, suma ramu; i ta seku. E koldadi i ta kujidu, i botadu na fugu pa i kema.

Ripitison di Lei 28:8

SIÑOR na manda si benson riba di tudu tarbaju ku bu na fasi, i inci bu bemba. I na bensuau na tera ki na dau.

Judas 1:12

E jinti i manca na bo festa di amor. Ora ke na kume ku bos, e ka ta ten rispitu; e sedu bakiaduris ku ta bakia son se kabesa; i suma nuven ku bentu ta leba di un ladu pa utru, ku ka ta cubi; suma po ku ka ta padi na si tempu, i rinkadu tudu ku si rais, i muri un bias.

Apokalipsi 22:2

i ta lagua na metadi di prasa. Na dus ladu di riu i staba arvuri di vida ku ta padi fruta dozi bias kada anu, un bias kada mis. Fojas di ki arvuri ta sirbi pa remediu pa jinti di tudu nasons.