Saida 9:29 - BIBLIA - traduson antigu in Krioulo

²⁹ Moisés falal: “Ora ku N sai na prasa, N na yalsa mon pa N roga SIÑOR. Relampagu na para; i ka na ten mas cuba di pedra, pa bu sibi kuma mundu i di SIÑOR.

Saida 9:29 ပူးပေါင်းရင်းမြစ်များ

1 Reis 8:22

Dipus, Salomon bai firma dianti di altar di SIÑOR, dianti di tudu juntamentu di Israel, i distindi si dus mon pa seu,

1 Reis 8:38

la na seu nunde ku bu ta sinta, obi tudu orason ku pididu ku kualker omi di Israel fasi, si kada un rapara mal di si korson, i distindi si mon pa e kasa. Purda elis, bu juda elis. Abo son ku kunsi korson di tudu jinti. Trata kada un konformi kil ki na fasi, suma kil ku bu na oja na si korson,

Esdras 9:5

Oca ku ora na ciga pa sakrifisiu di tardi, N lanta di ña kasabi, ku kamisa ku manta rumpidu, N finka juju, N distindi ña mon pa SIÑOR ña Deus,

Jo 11:13

“Si bu purpara bu korson, distindi bu mon pa Deus.

Salmus 135:6

I ta fasi tudu ki misti, na seu ku tera, na maris ku tudu funduras.

Salmus 143:6

N ta distindi ña mon pa bo, ña alma ta faima pa bo suma ku tera seku ta misti cuba. Sela

Salmus 50:12

“Si N teneba fomi, N ka ta kontau, pabia mundu ku tudu ku sta nel i di mi.

Saida 19:5

Gosi, si bo obdisin, bo guarda ña kontratu, N na kuji bos na metadi di utru rasas pa bo sedu ña pobu ku N da garandi balur. Tudu mundu i di mi,

Saida 20:11

pabia na seis dia SIÑOR kumpu seu, tera ku mar, ku tudu ku sta nelis, ma i diskansa na setimu dia. Asin SIÑOR bensua dia di diskansu, i pul aparti.

Saida 8:22

Na ki dia N na separa tera di Gosen nunde ku ña pobu mora nel, pa i ka tene ki manga di moska, pa bu pudi sibi kuma ami i SIÑOR ku sta ne tera.

Saida 8:6

Asin Aron distindi si mon riba di tudu yagu di Ejitu; sapus sai nel, e inci tera.

Saida 9:33

Asin Moisés fika Faraó, i sai na prasa, i distindi si mon pa SIÑOR. Relampagu ku cuba di pedra para; i ka cubi mas.

Isaias 1:15

Ora ku bo distindi mon pa mi, N ta sukundi ña rostu di bos. Nin ku bo ora ciu, N ka na obi, pabia bo mon susu sangi.

1 Koríntius 10:26

pabia i Siñor ku tene tera ku tudu ku sta nel.

1 Koríntius 10:28

ma si algin fala bos kuma e kumida i di ronia, ka bo kumel, pabia di kil ku konta bos, tambi pa konsiensia. [Tera i di Siñor, ku tudu ku sta nel.]

Ripitison di Lei 10:14

Seu, mesmu ki seu mas altu, i di SIÑOR bu Deus; tera i di sil ku tudu ku sta nel.