Saida 4:12 - BIBLIA - traduson antigu in Krioulo

¹² Bai omi! Ami N na sta ku bu boka, N na nsinau ke ku bu dibi di fala.”

Saida 4:12 ပူးပေါင်းရင်းမြစ်များ

Salmus 105:26

I manda si servu Moisés, i kuji tambi Aron.

Salmus 143:10

Nsinan fasi bu vontadi, pabia abo i ña Deus. Pui bu bon Spiritu pa i gian na con filadu.

Salmus 32:9

Ka bu sedu suma kabalu o mulu ku ka ten ntindimentu, ku ten ku kontroladu ku korda ku freiu pa i pudi obdisiu.”

Saida 3:12

Deus falal: “Ami N na sta ku bo. Es i na sedu sinal di kuma i ami ku mandau. Ora ku bu kaba tira e pobu di Ejitu, bo na adora Deus ne monti.”

Saida 4:13

Ma Moisés falal: “O SIÑOR! Kuji utru algin, bu mandal.”

Saida 4:15

Bu na papia ku el, bu na pui palabras na si boka; N na sta ku bu boka, ku di sil tambi, N na nsina bos ke ku bo dibi di fasi.

Saida 4:16

El i na papia ku pobu pa bo, i na sedu bu boka; abo bu na sedu suma Deus pa el.

Isaias 49:2

I pui ña palabras pa e sedu suma spada gudu; i kubrin ku sombra di si mon. I pun suma fleŝa limpu, i sukundin na si saku di fleŝa.

Isaias 50:4

SIÑOR Deus dan un lingua ku nsinadu diritu, pa N sibi papia na tempu sertu un bon palabra pa kil ku sta kansadu. Tudu parmaña i ta dispertan, i ta disperta ña sintidu pa N pudi obi, suma kilis ku na nsinadu.

Jeremias 1:9

Dipus SIÑOR distindi mon, i tokan na boka, i falan: “Jubi, N na pui ña palabras na bu boka.

Numerus 16:28

Moisés fala: “Ali ku bo na sibi kuma i SIÑOR ku mandan pa N fasi tudu e kusas; i ka kuma i sai na ña kabesa.

Markus 13:11

Ora ku bo prindidu, bo ntregadu, ka bo jumna bo fika ku kudadi di kil ku bo na fala. Na ki ora, kil ku bo pudu na sintidu, bo ta fala, pabia i ka abos ku na fala, ma i Spiritu Santu.

Lukas 11:1

Jesus staba na un lugar, i na ora. Oca ki kaba, un di si disipulus falal: “Siñor, nsinanu ora, suma tambi ku Jon nsina si disipulus.”

Bon Noba di Jesus Kristu ku Jon 14:26

Ki Judadur, ku sedu Spiritu Santu ku ña Pape na manda na ña nomi, i na bin nsina bos tudu kusas; i na fasi bos lembra tudu kusas ku N fala bos.

Efésius 6:19

Bo ora tambi pa mi, pa Deus pudi dan palabra sertu ora ku N na yabri boka pa papia; pa N pudi fala ku koraẑen, pa fasi jinti kunsi sigridu di Bon Noba.

Ripitison di Lei 18:18

N na lantanda elis un anunsiadur suma bo na metadi di se ermons; N na pui ña palabras na si boka; i na konta elis tudu ku N mandal pa i fala.