Saida 38:9 - BIBLIA - traduson antigu in Krioulo

⁹ Pa tapa kintal di tenda na ladu di sul, i kumpu kurtinas di liñu finu tursidu, di 44 metru di kumprimentu.

Saida 38:9 ပူးပေါင်းရင်းမြစ်များ

1 Reis 6:36

I kumpu tambi kintal di dentru ku paredis di tris renku di ladu, di pedras labradu, ku un renku di vigas di sedru.

Salmus 100:4

Bo yentra na si portons ku gardisimentu, bo ngabal ku inus ora ku bo na yentra na si kasa. Bo gardisil, bo fala ben di si nomi,

Salmus 84:10

Un dia na bu kasa i mas minjor di ki mil na utru kau. N mas misti sedu guarda di porta di kasa di ña Deus di ki mora na tendas di jinti mau.

Salmus 84:2

N misti sta la! Ña korson na dismaja ku faimadesa pa N pudi sta na kasa di SIÑOR. Ku korson ku tudu ña kurpu, N na kanta ku kontentamentu pa Deus bibu.

Salmus 89:7

Deus i rispitadu ku medu na juntamentu di si pobu; tudu kilis ku sta na si roda dibi di ten medu del.

Salmus 92:13

Suma ke parantadu na kasa di SIÑOR no Deus, e na kirsi la ku saudi.

Saida 26:1

“Kumpu tenda di des kurtina di liñu finu tursidu, ku lan azul, purpura ku burmeju, tudu kumpudu ku kirubins bordadu nel pa un omi ku sibi ki tarbaju.

Saida 38:10

Se vinti firkija ku se vinti pe e seduba di kobri. Ansolis ku kusas na firkijas ku ansolis ta pindra nel e seduba di prata.

Saida 40:33

Moisés lantanda tapada na roda di tenda ku altar, i pindra kurtina na entrada di kintal. Asin Moisés kaba tudu tarbaju.

Saida 40:8

Dipus bu ta pui tapada na roda, bu pindra kurtina na entrada di kintal.

Numerus 3:26

ku kurtinas di kintal ku ta rodia tenda ku altar, suma tambi kordas, ku tudu sirvis ligadu ku ki kusas.

Numerus 4:26

kurtinas ku kordas di kintal ku ta rodia tabernakulu ku altar, ku kurtina di entrada na kintal, ku tudu ekipamentu ku ta usadu pa yarma ki kusas. Elis ku na dismanca, e torna yarma, e fasi tudu ki tarbaju.