Saida 33:7 - BIBLIA - traduson antigu in Krioulo

⁷ Moisés kustumaba toma tenda, i yarmal fora di kampamentu, un bokadu lunju, i comal tenda di nkontru. Algin ku na buskaba SIÑOR i ta bai pa ki tenda di nkontru, fora di kampamentu.

Saida 33:7 ပူးပေါင်းရင်းမြစ်များ

2 Samuel 21:1

Na tempu di Davi i tenba fomi ku dura pa tris anu. Davi bai punta SIÑOR; SIÑOR falal: “I pabia di kulpa di sangi ku sta riba di Saul ku si familia, manera ki mata jibeonitas.”

Salmus 10:1

SIÑOR, ke ku manda bu fika lunju? Pabia di ke ku bu ta sukundi na ora di foronta?

Salmus 27:8

Oca ku bu fala: “Bo buska ña rostu,” ña korson falau: “SIÑOR, N na buskau.”

Salmus 35:22

Abo, SIÑOR, bu oja e kusa; ka bu kala, SIÑOR; ka bu lunjusi di mi.

Saida 18:12

Dipus, Jetru tisi oferta pa kema, ku utru limarias pa sakrifika pa Deus. Aron ku tudu garandis di Israel e bin kume juntu ku Jetru dianti di Deus.

Saida 18:7

Asin Moisés bai kontra ku pape di si minjer, i mpina si dianti, i beẑal. E fala ŋutru manteña, e yentra na tenda.

Saida 33:6

Asin fijus di Israel tira tudu se fajamentus lungu di monti Oreb.

Saida 33:8

Ora ku Moisés na bai pa ki tenda, tudu pobu ta lanta, kada kin ta firma na porta di si tenda, i jubi tras di Moisés tok i yentra na tenda.

Ditus 15:29

SIÑOR ta sta lunju di jinti mau, ma i ta obi orason di justu.

Isaias 59:2

I bo maldadi ku fasi paredi di divison na metadi di bos ku bo Deus; bo pekadus pui i kubri si rostu di bos, pa ka i obi bos.

Oseias 9:12

Mesmu ke ciga di kria se fijus, N na roba elis, pa ka i fika nin un son. Ai delis ora ku N bandona elis!

Ripitison di Lei 4:29

Di la, bu na buska SIÑOR bu Deus; bu na ojal si bu buskal ku tudu bu korson ku tudu bu alma.

Ebreus 8:2

ku na sirbi na lugar sagradu, na tenda di bardadi ku Siñor kumpu, i ka omi.