Saida 32:30 - BIBLIA - traduson antigu in Krioulo

³⁰ Mansi di ki dia Moisés fala pobu: “Abos bo fasi pekadu garandi, ma gosi N na subi pa SIÑOR pa jubi si N ta buska purdon pa bo pekadu.”

Saida 32:30 ပူးပေါင်းရင်းမြစ်များ

2 Samuel 12:9

Pabia di ke ku bu njuti palabra di SIÑOR, bu fasi kusa ki mau si dianti? Bu mata ki eteu Urias ku spada, bu toma si minjer bu kasal. Bu mata Urias ku spada di fijus di Amon.

2 Samuel 16:12

Talves SIÑOR na oja pa ña kasabi, i na bin pagan ku ben pa tudu e mal ku N risibi aos.”

2 Reis 17:21

Oca ki tira Israel na mon di rei di jorson di Davi, e pui Jeroboan, fiju di Nebat, pa i sedu rei. Jeroboan separa Israel ku Judá, pa e ka sigi SIÑOR; i pui elis pa e fasi un pekadu garandi.

Salmus 99:6

Moisés ku Aron e seduba si saserdotis; Samuel seduba algin ku ta coma si nomi. E ta comaba SIÑOR, el i ta kudi elis.

Saida 32:29

Moisés fala: “Aos bo separa bo mon pa SIÑOR, pabia kada un seduba kontra si fiju ku si ermon. Asin SIÑOR bensua bos aos.”

Amos 5:15

Bo nega mal, bo pega na kil ki bon, bo manti justisa sertu na porton di prasa. Talves SIÑOR, Deus ku ten tudu puder, pudi sinti pena di kilis ku sobra di jorson di José.

Jonas 3:9

Kin ku sibi? Talves Deus pudi muda di ideia, i disa si raiba forti. De manera no ka ta muri.’ ”

Numerus 16:47

Asin Aron toma ki nsensariu suma ku Moisés falal, i kuri pa metadi di pobu. Praga kumsaba ja na se metadi. Asin i pui nsensu pa i kema, pa Deus pudi purda pekadu di pobu.

Numerus 25:13

El ku si jorson e na tene ña kontratu di sedu saserdotis pa sempri, pabia i tenba siumi pa si Deus, i ranja purdon pa pekadu di fijus di Israel.”

Lukas 15:18

N na lanta, N bai pa ña pape, N falal: Papa, N peka kontra Deus, kontra bo tambi.

Lukas 7:47

Asin N falau kuma, si manga di pekadu sta ja purdadu; e ku manda i ama ciu, ma kil ku purdadu puku, i ta ama puku.”

Romanus 9:3

tok N ta tenba vontadi di sta bas di praga, separadu di Kristu, pa amor di ña ermons ku sedu ña parentis di sangi.

Gálatas 3:13

Suma ku Kristu bida maldison pa nos, i kaplintinu di maldison ku lei tisi, pabia i sta skritu kuma, tudu kil ku pindradu na krus di madera i maldisuadu.

2 Timótiu 2:25

mansu pa raprindi kilis ku sta kontra, pa talves Deus ta da elis ripindimentu, pa e pudi kunsi bardadi.

Tiagu 5:16

Asin bo ta konfesa ŋutru bo pekadu, bo ora pa ŋutru, pa bo kuradu. Orason ku un algin justu fasi i ten puder; i ta da bon rusultadu.

1 Samuel 12:17

No sta ja na kebur di trigu, i ka asin? Ma N na coma SIÑOR; i na manda turbada ku cuba. Si bo ojal, bo na rapara kuma bo fasi garandi pekadu dianti di SIÑOR manera ku bo pidil un rei.”

1 Samuel 12:19

E fala Samuel: “Roga SIÑOR bu Deus pa bu servus, pa ka no muri, pabia riba di tudu no pekadu no buri e mal, di pidi un rei.”

1 Samuel 12:20

Samuel fala pobu: “Ka bo ten medu. Na bardadi bo fasi tudu e mal, ma ka bo disa SIÑOR. Bo sirbi SIÑOR ku tudu bo korson.

1 Samuel 12:23

Pa ña parti, SIÑOR ta judan pa N ka fasi e pekadu kontra el, di para ora pa bos, ma N na nsina bos kamiñu bon i justu.

1 Samuel 2:17

Asin pekadu di ki fijus di Eli seduba garandi dimas dianti di SIÑOR, pabia e na njutiba oferta di SIÑOR.