Saida 32:20 - BIBLIA - traduson antigu in Krioulo

²⁰ I toma ki turu ke kumpu, i kemal na fugu, i pilal tok i bida reia, i wagal na yagu, i da fijus di Israel pa e bibi.

Saida 32:20 ပူးပေါင်းရင်းမြစ်များ

1 Reis 15:13

I tira tambi Maaka, si dona, pa i ka sedu mas raiña, pabia i fasiba un idulu nujenti di Aserá. Asa tira ki idulu, i kemal lungu di riu di Sedron.

2 Reis 23:15

Rei ciga tambi nunde ki altar ku staba na Betel, ku baloba ku Jeroboan, fiju di Nebat, kumpu, kil ku pui Israel pa i peka. I bati baloba, tudu ku altar, i kema baloba, i foriñal, i kema idulu di Aserá.

2 Reis 23:6

I tira tambi ki idulu di Aserá na kasa di SIÑOR, i lebal fora di Jerusalen, i kemal lungu di riusiñu di Sedron, i foriñal, i bota si sinsa riba di simiteriu publiku.

2 Kronikas 34:4

Jintis bati altaris di Baal si dianti, e padasa-padasa altaris di nsensu ku staba riba delis. Ki idulus di Aserá, ku imaẑens labradu ku kilis di metal fundidu, i kebra-kebra elis tok e bida puera, i wagal riba di kobas di kilis ku ta roniaba elis.

Saida 32:21

I punta Aron: “Ke ku e pobu fasiu, ku manda bu tisi e garandi pekadu riba delis?”

Ditus 1:31

Asin e na risibi rusultadu di kusas ke fasi. Se planus pa mal na kai riba delis.

Ditus 14:14

Omi infiel di korson na risibi ke ki mersi, ma omi bon na premiadu pa kil ki fasi.

Ripitison di Lei 7:25

Bu na kema imaẑens labradu di se deusis na fugu; ka bu kubisa prata ku uru ku sta riba delis, nin ka bu tomal pa bo. I pudi sedu lastru pa pañau, pabia i kusa nujenti pa SIÑOR bu Deus.

Ripitison di Lei 7:5

Asin ku bo na fasi elis: Bo bati se altaris, bo kebra se kulunas sagradu, bo dana se idulus di Aserá, bo kema se imaẑens labradu na fugu.

Ripitison di Lei 9:21

N toma ki bakasiñu ku bo kumpu, ki garandi pekadu ku bo fasi, N kemal na fugu, N masal, N pilal tok i foriñadu; N bota si puera na riusiñu ku na kuriba na montaña.