Saida 32:2 - BIBLIA - traduson antigu in Krioulo

² Aron fala elis: “Bo tira tudu brinkus di uru na orejas di bo minjeris ku bo fijus macu ku femia, bo tisin elis.”

Saida 32:2 ပူးပေါင်းရင်းမြစ်များ

Kumsada 24:22

Oca ku kamelus kaba bibi, omi toma un anel di uru di mas di sinku grama, ku dus pulsera di uru ku pesa mas di sen grama pa si mon.

Kumsada 24:47

N puntal: ‘Abo i fiju di kin?’ El i ruspundi i falan: ‘Ami i fiju di Betuel, fiju di Naor, ki padi ku Milka.’ Na ki ora N pul anel na si naris, ku pulsera na si mon.

Saida 20:23

Ka bo fasi utru deusis fora di mi. Ka bo kumpu deusis di prata nin di uru pa bos.

Saida 32:3

Asin, tudu pobu tira brinkus na orejas, e leba elis pa Aron.

Saida 35:22

Asin, tudu omis ku minjeris, ku se korson staba pruntu, e tisi fivelas, fius di garganti ku di mon, anelis, ku tudu tipu di ornamentu di uru; kada un pursenta si oferta di uru pa SIÑOR.

Ditus 25:12

Omi jiru ku konsija algin ku sta pruntu pa obi, i ten balur suma brinkus di uru ku fiu di uru puru.

Isaias 3:19

oreja ku mon. I na tira se veus,

Isaias 30:22

Bu idulus labradu, ku kubridu ku prata, ku bu imaẑens fundidu di uru, bu na tene elis suma kusa nujenti, bu bota elis fora suma panu susu, bu fala elis: “Bo sai di li!”

Ezekiel 16:17

Bu toma tambi bu joias di nfaju ku N dau, kumpudu ku ña uru ku prata, bu fasi imaẑens di omis, bu fasi pekadu seksual ku elis.

Oseias 2:8

I ka rikuñisi kuma i ami ku dal miju, biñu nobu ku azeiti; i ami ku dal manga di prata ku uru, ke usa pa Baal.