Saida 30:13 - BIBLIA - traduson antigu in Krioulo

¹³ Tudu kil ku pasa na rolamentu i ten ku da metadi di un siklu di prata, konformi siklu ofisial di kau sagradu (un siklu i sedu vinti jera). Ki metadi di siklu i oferta pa SIÑOR.

Saida 30:13 ပူးပေါင်းရင်းမြစ်များ

Kumsada 23:15

“Siñor, sukutan. Balur di terenu i di kuatrusentus mueda di prata. Es i ke na metadi di mi ku bo? Ntera bu difuntu.”

2 Reis 12:4

Joás fala saserdotis pa e junta tudu diñeru di kusas sagradu ku jinti tisi pa kasa di SIÑOR, ku sedu diñeru pagadu na resensiamentu, ku diñeru ku kada kin ta paga konformi si avaliason, ku diñeru ku jinti tisi di se libri vontadi pa kasa di SIÑOR.

2 Reis 12:5

Saserdotis na risibi ki diñeru, kada kin na mon di jinti ki na sirbi; e tenba ku kumpu tudu kau ku findi na kasa di Deus.

Saida 30:14

Kualker algin ku pasa na rolamentu, di vinti anu pa riba, i na da ki oferta pa SIÑOR.

Saida 38:24

Uru di oferta ku dadu pa tarbaju di kau sagradu i seduba 1.000 kilu konformi midida ofisial di kau sagradu.

Saida 38:26

Kada omi di idadi di vinti anu pa riba, oca ki pasa na resensiamentu, i da un beka di prata, ku sedu metadi di un siklu konformi midida ofisial. Numeru di jinti ku pasa i sedu 603.550.

Ezekiel 45:12

Un siklu (ku sedu 11,4 grama) i sedu vinti jera. Sesenta siklu i sedu un mina o un aratel.

Sirmonias 27:25

Kada pres ku bu na pui i na sedu konformi siklu di kau sagradu, ku sedu vinti jera.

Sirmonias 27:3

Si i un macu di idadi di vinti te sesenta anu, bu na pui balur di sinkuenta mueda di prata konformi mueda di siklu di kau sagradu.

Sirmonias 5:15

“Ora ku algin kebra lei, sin i ka sibi, i peka na kusas sagradu di SIÑOR, i na tisi pa SIÑOR suma oferta un karnel macu di koral, sin difeitu, ku tene si pres sertu na siklus di prata, konformi siklu ta pesadu na kau sagradu. Es i sedu oferta pa kulpa.

Numerus 18:16

Si e tene un mis di idadi, bu na seta se pagamentu pa troka, na pres fiksu di sinku mueda di prata, konformi mueda di santuariu ku ta pesa vinti jera.

Numerus 3:47

Bu pudi toma sinku mueda di prata pa kada un,

Mateus 17:24

Oca ke ciga na Kafarnaun, kobraduris di mpustu di kasa di Deus bai pa Pedru, e puntal: “Nta bo Mestre ka ta paga e mpustu?”

Mateus 21:12

Jesus yentra na kasa di Deus, i serka tudu kilis ku na bindiba la, e na kumpra; i bati mesas di torkiaduris di diñeru, ku asentus di kilis ku na bindiba pumba.

Mateus 27:24

Pilatus oja kuma i ka na pudi fasi nada, ma baruju mas na buri nan. I pidi yagu, i laba mon dianti di pobu, i fala: “N ka ten kulpa na mortu de omi justu. Kulpa i di bos.”