Saida 30:12 - BIBLIA - traduson antigu in Krioulo

¹² “Ora ku bu na marka kabesa di fijus di Israel, kada un delis i na da SIÑOR un pagamentu di si vida ora ki na kontadu, pa i ka bin ten nin un praga na se metadi ora ke na markadu.

Saida 30:12 ပူးပေါင်းရင်းမြစ်များ

1 Kronikas 21:1

Satanas lanta kontra Israel, i cuci Davi pa i fasi resensiamentu.

1 Kronikas 21:12

tris anu di fomi, tris mis di kuri dianti di bu inimigus ku na serkau ku spada, o tris dia di spada di SIÑOR ku sedu duensa meduñu na tera, ora ku anju di SIÑOR na leba mortu pa tudu parti di Israel.’ Jubi kal rasposta ku N na leba pa kil ku mandan.”

1 Kronikas 21:14

Asin SIÑOR manda duensa meduñu riba di Israel, tok setenta mil jinti muri.

1 Kronikas 21:3

Joab falal: “Ñu Rei, SIÑOR ta buri si pobu sen bias mas! Nta elis tudu e ka sedu servus di Ñu Rei? Ke ku manda Ñu misti fasi e kusa ku pudi tisi kulpa riba di Israel?”

1 Kronikas 27:24

Joab, fiju di Zeruia, i kumsaba toma numeru di jinti, ma i ka bin kabantal, manera ku raiba duru kai riba di Israel pabia di ki resensiamentu. E ku manda numeru kompletu i ka bin pudu na libru di reẑistu di rei Davi.

2 Kronikas 24:6

Rei manda coma Jeoiada, se ŝef, i puntal: “Pabia di ke ku bu ka pui levitas pa e tisi mpustus di Judá ku Jerusalen, ku Moisés, servu di SIÑOR, manda pa pobu tisi pa tarbaju di tenda di juntamentu?”

2 Kronikas 24:9

E anunsia na Judá ku Jerusalen pa e tisi pa SIÑOR ki oferta ku Moisés, servu di SIÑOR, falaba pa Israel la na lala pa e ba ta da.

Jo 33:24

i na ten pena del, i na fala: ‘Libral pa ka i ria na koba; N oja un libertadur.’

Jo 36:18

Toma sintidu pa ka ningin nganau ku rikesa; ka bu disa un suku di bas garandi disviantau.

Salmus 49:7

Na bardadi, ningin ka pudi kaplinti si ermon, nin i ka pudi paga Deus pres di si libertason,

Saida 30:11

SIÑOR fala Moisés:

Numerus 31:49

e falal: “Bu servus fasi konta di tropas ku staba bas di nos; nin un son ka falta.

Numerus 31:50

Asin no tisi, suma oferta pa SIÑOR, kusas di uru ku kada kin ngaña, fajamentus di brasu, pulseras, anelis, brinkus ku fius di garganti, pa pursenta dianti di SIÑOR pa pagamentu di no vida.”

Mateus 20:28

suma Fiju di omi, ku ka bin pa i sirbidu, ma pa sirbi, i pa da si vida pa libra manga di jinti.”

Markus 10:45

Fiju di omi propi ka bin pa i sirbidu, ma pa i sirbi, i da si vida pa liberta manga di jinti.”

1 Timótiu 2:6

kil ku da si kabesa pa liberta tudu jinti, pa da proba na tempu propi kuma Deus misti salba tudu jinti.