Saida 28:3 - BIBLIA - traduson antigu in Krioulo

³ Konta tudu omis jiru ku N inci ku spiritu di kuñisimentu pa e fasi ropa pa Aron, pa separal pa mi, pa i fasin tarbaju di saserdoti.

Saida 28:3 ပူးပေါင်းရင်းမြစ်များ

1 Reis 7:14

ku sedu fiju di un minjer viuva, di jorson di Naftali. Si pape seduba un omi di Tiru ku ta tarbajaba na kobri. Uran jiru ba dimas, i tenba ntindimentu, i sibiba fasi tudu koldadi tarbaju di kobri. I bin pa rei Salomon, i fasi tudu tarbaju ki dadu.

Saida 35:10

“Tudu artista jiru na bo metadi i ten ku bin fasi kusa ku SIÑOR manda:

Saida 35:25

Tudu minjer jiru ku sibi fia lan i leba kil ki fiaba, ku sedu lan azul, purpura o burmeju, o liñu finu.

Saida 35:30

Moisés fala fijus di Israel: “Jubi, SIÑOR coma Bezaleel, fiju di Uri, fiju di Ur, di jorson di Judá,

Saida 35:31

i incil ku Spiritu di Deus, i dal jiresa ku ntindimentu ku kuñisimentu na tudu tarbaju di artesanatu,

Saida 35:35

I inci elis ku jiresa pa e sedu mestre di diseñu ku manga di koldadi tarbaju, suma bordadu, tarbaju ku lan azul, purpura ku burmeju, ku liñu finu, ku tarbaju di tisi panu.

Saida 36:1

“Asin, Bezaleel ku Aoliab, ku tudu omis jiru ku SIÑOR da jiresa ku kapasidadi pa e sibi fasi tudu tarbaju pa konstruson di kau sagradu, e ten ku fasi tarbaju konformi tudu ku SIÑOR manda.”

Saida 36:2

Moisés coma Bezaleel ku Aoliab, ku tudu omis jiru ku Deus daba kapasidadi, ku staba pruntu na se korson pa bin fasi ki tarbaju.

Ditus 2:6

pabia SIÑOR i ta da jiresa; di si boka i ta bin kuñisimentu ku ntindimentu.

Isaias 11:2

Spiritu di SIÑOR na sinta riba del, Spiritu di jiresa ku ntindimentu, Spiritu di konsiju ku puder, Spiritu di kuñisimentu ku rispitu pa SIÑOR.

Efésius 1:17

N pidi Deus di no Siñor Jesus Kristu, Pape gloriosu, pa i da bos si Spiritu ku na fasi bos pa bo jiru, ku na mostra bos Deus, pa bo pudi kunsil.

Ripitison di Lei 34:9

Josué, fiju di Nun, staba incidu ku spiritu di jiresa, pabia Moisés puiba mon riba del. Asin fijus di Israel obdisil, e fasi suma ku SIÑOR manda Moisés.

Tiagu 1:17

Tudu bon pursenti ku tudu kusa diritu ku no patidu, i bin di riba; i disi di Pape, dunu di lus di seu, ku ka ta muda, ku ka tene sombra.