Saida 25:8 - BIBLIA - traduson antigu in Krioulo

⁸ “E na kumpun un kau sagradu pa N pudi mora na se metadi.

Saida 25:8 ပူးပေါင်းရင်းမြစ်များ

1 Reis 6:13

N ta mora na metadi di fijus di Israel ne kasa ku bu na kumpu. N ka na bandona ña pobu Israel.”

1 Kronikas 22:19

Gosi, bo pui bo sintidu ku tudu bo korson pa buska SIÑOR bo Deus; bo lanta, bo kumpu kau sagradu di SIÑOR Deus, pa arka di si kontratu, ku kusas sagradu di Deus, pudi tisidu pa kasa ku na bin kumpudu pa si nomi.”

Saida 15:17

Bu na yentranda elis, bu na sintanda elis na monti di bu yardansa, na ki kau ku bu kumpu pa mora nel, o SIÑOR, na kau sagradu ku bu mon firmanta.

Saida 15:2

SIÑOR i ña forsa, i ña kantiga; El i bin sedu ña Salbadur. El ki ña Deus; asin N na ngabal. El i Deus di ña pape; N na garandisil.

Saida 29:45

N na sinta na metadi di fijus di Israel; N na sedu se Deus.

Saida 29:46

E na sibi kuma ami N sedu SIÑOR se Deus ku tira elis na tera di Ejitu, pa N sinta na se metadi. Ami N sedu SIÑOR se Deus.

Isaias 12:6

Abos ku mora na Sion, bo yalsa fála, bo kanta ku kontentamentu, pabia Deus Santu di Israel i garandi na bo metadi.”

Ezekiel 37:26

N na fasi kontratu di pas ku elis, ku na sedu kontratu ku ka na kaba. N na pui elis na se tera, N na buri elis, N na pui ña kau sagradu na se metadi pa sempri.

Ezekiel 37:28

Nasons na sibi kuma ami N sedu SIÑOR ku kuji Israel pa i sedu di mi, ora ku ña kau sagradu sta na se metadi pa sempri.’ ”

Ezekiel 43:7

i falan: “Fiju di omi, es i kau di ña tronu, i kau pa ña pe nunde ku N na mora na metadi di fijus di Israel pa sempri. Nin pobu di Israel nin se reis ka na kontamina mas ña nomi sagradu ku se idulus nujenti ku difuntus di se reis ke ntera na kaus altu.

Sirmonias 10:4

Moisés coma Misael ku Elzafan, fijus di Uziel, tiu di Aron, i fala elis: “Bo ciga pa tira bo primus lungu di kau sagradu, pa fora di kampamentu.”

Sirmonias 21:12

I ka pudi sai na kau sagradu di si Deus, pa i ka dana puresa di ki kau, pabia azeiti sagradu di si Deus sta riba del. Ami i SIÑOR.

Sirmonias 26:11

N na mora na ña tenda sagradu na bo metadi; N ka na nfastia bos.

Sirmonias 4:6

I na moja si dedu na sangi, i na waga un parti del seti bias dianti di SIÑOR, dianti di kurtina di kau sagradu.

Zakarias 2:10

SIÑOR fala: “O Sion, kanta, bu kontenti, pabia N na bin mora na bu metadi.”

Zakarias 8:3

Asin ku SIÑOR ku ten tudu puder fala: “N na riba pa mora na Sion, na metadi di Jerusalen. Jerusalen na comadu Prasa di Bardadi; monti di SIÑOR ku ten tudu puder na comadu Monti Sagradu.”

Numerus 5:3

Bo ten ku tira elis fora di kampamentu, nin si i omi o i minjer, pa ka e kontamina kampamentu nunde ku N mora.”

Atus 7:44

“No papes di antigu teneba tenda sagradu ku elis na lala, suma ku Deus manda, oca ki fala Moisés pa kumpul konformi planta ki oja.

2 Koríntius 6:16

Kal kontratu ku kasa di Deus pudi ten ku idulu? I anos gora ku sedu kasa di Deus bibu. El propi i fala: “N na mora juntu ku elis, N na yanda na se metadi. N ta sedu se Deus; elis e ta sedu ña pobu.”

Ripitison di Lei 12:11

SIÑOR bo Deus na kuji un kau nunde ku si nomi na sta nel; i la na ki kau ku bo na leba tudu ku N manda bos: bo ofertas kemadu, bo sakrifisius, bo dizimus, bo ofertas spesial, ku tudu kusas di balur ku bo fala bo na da SIÑOR.

Ebreus 3:6

ma Kristu, suma Fiju, i fiel na si propi kasa. I anos ku sedu ki kasa, si no rakada no fiansa ku no speransa gloriosu firmi te na fin.

Josué 22:31

Fineias, fiju di saserdoti Eleazar, fala fijus di Ruben, Gad ku Manasés: “Aos no sibi kuma SIÑOR sta na no metadi, pabia bo ka kebra si lei. Gosi bo libra fijus di Israel na mon di SIÑOR.”

Apokalipsi 21:3

N obi un garandi vos ku sai na tronu, ku na fala: “Gosi ja Deus ten si morada na metadi di jinti. I na mora ku elis, e na sedu si pobu. Deus propi na sta ku elis, i na sedu se Deus.