Saida 23:2 - BIBLIA - traduson antigu in Krioulo

² “Ka bu pega tras di maioria pa fasi mal. Si bu na da tustumuñu na tribunal, ka bu toma parti ku maioria ku na konta mintida, pa justisa pudi sai tortu.

Saida 23:2 ပူးပေါင်းရင်းမြစ်များ

Kumsada 19:4

Antis de dita, tudu omis di tudu ladu di ki prasa di Sodoma, desdi rapasis te bejus, e taja kasa,

Kumsada 6:12

Deus oja kuma ku tera staba mal, pabia tudu jinti na tera na yandaba na mau kamiñu.

Kumsada 7:1

Dipus SIÑOR fala Noe: “Yentra na barku, abo ku tudu bu familia, pabia N ojau justu na metadi di jinti de tempu.

1 Reis 19:10

I falal: “N pega tesu sempri na sirbi SIÑOR Deus ku ten tudu puder, ma fijus di Israel kebra se kontratu ku bo, e durba bu altaris, e mata bu anunsiaduris ku spada. N fika ami son, ma e na buska manera di matan tambi.”

Jo 31:34

pabia di medu di juntamentu di jinti. Nunka N ka kala o N nega sai na porta pabia di medu di disprezu di familias.

Salmus 72:2

Bu pobu, ku kilis ku kalkadu, i na julga elis ku justisa.

Ditus 1:15

Ña fiju, ka bu yanda juntu ku elis; ka bu pui pe na se kamiñu,

Ditus 18:5

I ka bon pa toma parti di algin ku ten kulpa, bu nega fasi justisa pa kil ku ten roson.

Ditus 4:14

Ka bu yanda na kamiñu di jinti ku ka kunsi Deus; ka bu sigi isemplu di jinti mau.

Jeremias 37:15

Ŝefis paña raiba di Jeremias, e manda sutal, e mitil na kalabus, na kasa di sekretariu Jonatas, pabia e bidanta si kasa kalabus.

Jeremias 37:21

Asin rei Zedekias da ordi pa e pui Jeremias na kintal di guarda. E dal un pon kada dia di rua di paderus, tok pon kaba tudu na prasa. Jeremias fika la na kintal di guarda.

Jeremias 38:9

“Ñu Rei, ki omis e fasi mal na tudu ke fasi ku anunsiadur Jeremias. E botal na fonti. I na muri la di fomi, pabia pon ka ten mas na prasa.”

Ezekiel 9:9

I falan: “Maldadi di pobu di Israel ku Judá i garandi dimas; tera inci sangi, prasa inci maldadi. E na fala: ‘SIÑOR bandona tera, i ka na oja.’

Sirmonias 19:15

“Ka bu fasi justisa tortu na tribunal; ka bu mostra fabur pa koitadi, nin pa algin riku. Bu na julga bu kumpañer ku justisa.

Aẑeu 1:4

“Nta i tempu pa bo mora na bo kasas robokadu, ma e kasa fika asin danadu?

Markus 15:15

Pilatus mistiba pa pobu kontenti ku el; i larga elis Barabás, i manda suta Jesus, i ntregal pa i krusifikadu.

Atus 24:27

Dus anu pasa. Pórsiu Festu bin fika na konta di Féliŝ. Suma ku Féliŝ mistiba pa judeus kontenti ku el, i disa Paulu prezu.

Atus 25:9

Festu, pa i pudi pui judeus kontenti, i punta Paulu: “Bu sta pruntu pa bai pa Jerusalen, pa bu bai julgadu la ña dianti pabia de kusas?”

Romanus 1:32

E jinti e kunsi lei di Deus diritu, ku fala kuma kilis ku ta fasi e koldadi kusas e mersi mortu, ma i ka son kuma e ta fasil; tambi e ta kontenti pa utrus fasil.

Ripitison di Lei 1:17

Ora ku bo na fasi justisa, ka bo fasi skuju di jinti; bo na sukuta koitadis na mesmu manera ku bo ta sukuta jinti garandi. Ka bo medi ningin, pabia justisa ku bo na fasi i di Deus. Si kontra un kasu i kansadu dimas pa bos, bo ta tisin el pa N obil.”

Ripitison di Lei 16:19

Ka bu tursi justisa, ka bu fasi skuju di jinti, nin ka bu seta suku di bas, pabia suku di bas ta sega uju di jinti jiru, i ta tursi palabra di justus.

Ripitison di Lei 24:17

Ka bu nega fasi justisa sertu pa stranjerus ku orfans, nin ka bu seta pa viuva mpiñau si ropa.

Josué 24:15

Si bo ka konkorda pa sirbi SIÑOR, bo kuji aos kin ku bo dibi di sirbi, si i ki deusis ku bo papes sirbiba na utru ladu di riu, o si i deusis di amoreus ku bo mora propi na se tera. Ma ami ku ña familia, no na sirbi SIÑOR.”

1 Samuel 15:24

Saul fala Samuel: “N peka, pabia N disobdisi mandamentu di SIÑOR, ku bu ordi. N tenba medu di jinti, N seta ke ke falan.

1 Samuel 15:9

Saul ku si tropas e salba vida di Agag, ku vida di minjor karnelis ku bakas, ku fijus di baka ku di karnel, ku tudu kusa bon, pabia e ka mistiba kaba ku elis, ma e njuti tudu kusas ku ka bali, e kaba ku elis.