Saida 23:19 - BIBLIA - traduson antigu in Krioulo

¹⁹ “Tisi minjor di purmeru frutus di bu con pa kasa di SIÑOR bu Deus. “Ka bu kusña kabritu na liti di si mame.

Saida 23:19 ပူးပေါင်းရင်းမြစ်များ

Neemias 10:35

Tambi, kada anu, no na tisi purmeru prudutus di no con pa kasa di SIÑOR, ku purmeru fruta di tudu arvuris.

Neemias 10:36

Konformi i sta skritu na lei, no na leba no purmeru fijus, ku purmeru fijus di no limarias, no baka ku no karnel, pa kasa di no Deus, pa saserdotis ku ta sirbi la.

Saida 22:28

“Ka bu fala mal di juisis, nin ka bu koba ŝef di pobu mal.

Saida 22:29

“Ka bu tarda pa dan purmeru parti di bu kebur, suma miju o biñu. Bu na tisi bu purmeru fiju pa mi.

Saida 34:26

“Leba parti mas bonitu di purmeru frutu di bu labur pa kasa di SIÑOR bu Deus. “Ka bu kusña kabritu na liti di si mame.”

Ditus 12:10

Un omi justu ta toma konta di si limarias diritu, ma omi mau ta sedu kruel pa di sil.

Ditus 3:9

Da gloria pa SIÑOR ku bu rikesa, ku tudu purmeru frutu di bu labur.

Jeremias 10:3

pabia kustumus di nasons ka bali. E ta korta po na matu; omi ku ten jitu i ta labral ku furmon.

Ezekiel 44:30

Minjor di tudu purmeru frutu di kebur, ku tudu oferta, i na sedu di saserdotis. Si bo na kumpu pon, bo na da purmeru masa pa saserdoti, pa benson pudi sta riba di bu familia.

Ezekiel 48:13

“Lungu di terenu di saserdotis, levitas na tene se parti ku na midi 12,5 kilometru di saida pa kaida di sol, ku 5 kilometru di norti pa sul.

Ezekiel 48:14

E ka pudi bindi nin un parti del, ku fadi pa e torkial. Es i minjor parti di tera; i ka pudi pasadu pa utru mon, pabia i sagradu pa SIÑOR.

Numerus 15:21

Na tempu ku na bin, bo fijus na kontinua da oferta pa SIÑOR di purmeru miju ke pila.

1 Koríntius 15:20

Ma na bardadi Kristu lantandadu di mortu, suma purmeru di kilis ku muri.

Ripitison di Lei 14:21

Limaria ku muri sin i ka matadu, bo pudi dal pa kualker stranjeru ku sta na bo prasa, pa i kumel, o bo pudi bindil pa un ospri, ma ka bo kumel, pabia bo sedu pobu sagradu pa SIÑOR bo Deus. Ka bo kusña kabritu ku liti di si mame.

Ripitison di Lei 26:10

Ali N tisi purmeru parti di prudutus di con ku abo, SIÑOR, bu dan.” Dipus bu na pui bu oferta dianti di SIÑOR bu Deus, bu na mpina si dianti.

Ripitison di Lei 26:2

toma purmeru parti di tudu prudutu di ki con, bu pul na un sestu, bu bai pa kau ku SIÑOR bu Deus na kuji pa pui si nomi la.

Apokalipsi 14:4

Esis i kilis ku ka susa se vida ku minjeris, pabia e sedu virẑen. I elis ku ta yanda tras di Karnel pa tudu ladu ki na bai. I sedu kilis ku kumpradu na metadi di jintif pa e sedu purmeru oferta pa Deus ku Karnel.