Saida 22:29 - BIBLIA - traduson antigu in Krioulo

²⁹ “Ka bu tarda pa dan purmeru parti di bu kebur, suma miju o biñu. Bu na tisi bu purmeru fiju pa mi.

Saida 22:29 ပူးပေါင်းရင်းမြစ်များ

2 Reis 4:42

Un omi bin di Baal-Salisa, i tisi omi di Deus vinti pon di sevada, kumpudu ku purmeru sevada ki kebra na ki anu. I tisil tambi spigas di miju nobu. Eliseu fala si rapas pa i da jinti ki oferta pa e kume.

2 Kronikas 31:5

Oca ku ki ordi anunsiadu, fijus di Israel tisi manga di kusa di purmeru parti di se kebur: trigu, biñu nobu, azeiti, mel, ku tudu prudutu di tera. E tisi tambi dizimu ciu di tudu kusa.

Saida 13:12

bu na ntrega pa SIÑOR tudu purmeru fiju macu ku si mame padi. Di limarias tambi, tudu purmeru fiju macu di si mame i di SIÑOR,

Saida 13:2

“Dedika pa mi tudu purmeru fiju macu ku si mame padi, pabia tudu purmeru fiju di pobu di Israel i di mi, mesmu ki di omi o di limaria.”

Saida 23:15

“Bu na guarda festival di pon sin fermentu. Suma ku N falau ja, bu na kume pon sin fermentu pa seti dia na tempu ku N marka na mis di Abib, pabia i na ki mis ku bu sai na Ejitu. Ka ningin bin ña dianti mon limpu.

Saida 23:16

“Bu na fasi festival di purmeru frutu di bu tarbaju ora ku bu kumsa na kebra. “Fasi tambi festival di kabantada di kebur, ora ku bu kaba rukuji tudu prudutu di bu tarbaju.

Saida 23:19

“Tisi minjor di purmeru frutus di bu con pa kasa di SIÑOR bu Deus. “Ka bu kusña kabritu na liti di si mame.

Saida 34:19

“Tudu purmeru fiju di mame i di mi; te na baka ku karnel, tudu purmeru fiju macu i di mi.

Saida 34:20

Ma buru ku yabri bariga, bu na torkial ku fiju di karnel. Si bu ka torkial, bu ta kebral garganti. “Tudu bo purmeru fiju, bo na torkial. “Ningin ka dibi di bin ña dianti mon limpu.

Ezekiel 20:40

Ami, SIÑOR Deus, N fala kuma, na ña monti sagradu, ku sedu ki monti altu di Israel, tudu pobu di Israel na adoran, abos tudu na ki tera. N na kontenti ku bos, N na toma bo ofertas, ku purmeru frutu di bo kebur, ku tudu bo ofertas sagradu.

Sirmonias 22:27

“Ora ku baka, karnel o kabra padidu, i ta fika ku si mame seti dia. Di oitavu dia pa dianti, i pudi setadu suma oferta kemadu pa SIÑOR.

Mikeias 7:1

Ai di mi! N sedu suma algin ku misti kuji fruta kusidu, oca ku jinti kuji ja uvas. I ka ten nin un kacu di uvas pa kume, nin ki figu nobu ku N na faima pa el.

Numerus 18:13

Purmeru frutu di tudu ku ojadu na tera ku jinti tisi pa mi i na sedu di bo. Tudu algin na bu kasa ku sta puru i pudi kumel.

Mateus 6:33

Purmeru kusa, bo buska renu di Deus, bo yanda diritu si dianti; asin, tudu e utru kusas, bo ta bin dadu el.

Romanus 8:23

I ka el son, ma anos tambi ku risibi purmeru pursenti di Deus, ku sedu si Spiritu, no na jimi dentru di nos, suma ku no na pera pa Deus fasinu si fijus, pa i libra no kurpu.

Ripitison di Lei 15:19

Tudu limaria macu ku sedu purmeru fiju di si mame, na metadi di bu bakas ku karnel, bu na pul aparti pa SIÑOR bu Deus. Turu ku sedu purmeru fiju di si mame, bu ka na pul tarbaja, nin bu ka na tiskia purmeru fiju di bu karnel.

Tiagu 1:18

Na si vontadi i padinu ku si palabra di bardadi, pa no pudi sedu suma si purmeru fijus.