Saida 22:25 - BIBLIA - traduson antigu in Krioulo

²⁵ “Si bu pista diñeru pa un koitadi na metadi di ña pobu, ka bu fasi suma algin ku ta pista diñeru pa juru.

Saida 22:25 ပူးပေါင်းရင်းမြစ်များ

2 Reis 4:1

Minjer di un omi di grupu di anunsiaduris coma Eliseu, i falal: “Bu servu, ku sedu ña maridu, i muri. Bu sibi kuma i ta rispitaba SIÑOR, ma i teneba dibida. Gosi, ki omi ki dibi bin pa bin leba ña dus fiju pa e bai sedu si katibus.”

2 Reis 4:7

Minjer bai konta omi di Deus. Kila falal: “Bai bu bindi azeiti, bu paga dibida; kil ku sobra i ta fika pa sustentau ku bu fijus.”

Neemias 5:7

N fika N na pensa ne kusa; dipus N jusia ku garandis ku ŝefis, N fala elis: “Bo na toma juru di bo parentis.” N coma runion garandi pa trata ku elis,

Salmus 15:5

i ta pista si diñeru sin kobra juru; i ka ta seta suku di bas pa julga kontra kil ku ka ten kulpa. Kil ku ta fasi e kusas, nunka i ka na bulbulidu.

Ditus 28:8

Kil ku ta ngaña si rikesa ku kobra juru ku splorason i na juntal pa algin ku ta pati koitadis.

Jeremias 15:10

Ai di mi, ña mame! Ke ku manda bu padi un omi ku tudu jinti di tera ta jusia ku el? Nunka N ka pista ningin ku juru, nin N ka dibi ningin, ma kada un delis na maldisuan.

Ezekiel 18:13

i ta pista si diñeru pa bin kobra juru, i ta toma pagamentu ciu dimas. Es i pudi bibu? Nau, i ka na bibu! Pabia di tudu ki kusas nujenti ki fasi, i na matadu; kulpa na sedu di sil.

Ezekiel 18:17

I ta disvia si mon di pekadu, i ka ta seta toma kil ki ka dibi di toma. I ta obdisi ña leis, i ta fasi konformi ña regras. E tipu di omi, i ka na muri pabia di pekadu di si pape; i na bibu.

Ezekiel 18:7

I ka ta kalka ningin, ma, si algin mpiñal un kusa, i ta tornal el. I ka ta furta, ma i ta da kumida pa kilis ku tene fomi; i ta da ropa pa kilis ku sta nun.

Ezekiel 18:8

I ka ta pista si diñeru pa bin kobra juru; i ka ta seta toma kil ki ka dibi di toma. I ta disvia si mon di fasi mal; i ta fasi justisa di bardadi na metadi di dus jinti ku na diskuti.

Ezekiel 22:12

Utru di bu jinti e risibi suku di bas pa mata algin; e toma juru, e kobra ciu dimas; e fasi ruñesa pa se visiñu, e kalkal. Bu diskisi di mi. Asin ku SIÑOR Deus fala.

Amos 2:8

E ta dita lungu di kualker altar riba di ropa mpiñadu. Na kasa di se deusis e ta bibi biñu ke toma suma multa.

Mateus 25:27

Suma ku bu sibi, bu dibi di puiba ña diñeru na banku; ora ku N ciga, N ta risibilba ku jurus.’

Lukas 19:23

pa ke ku bu ka pui ña diñeru na banku? Asin, manera ku N riba, N na risibilba ku juru.’

Ripitison di Lei 15:7

Si i ten un koitadi na metadi di bu ermons israelita na kualker prasa di tera ku SIÑOR bu Deus na dau, ka bu ndurusi bu korson, nin ka bu fasi risu mon pa bu ermon koitadi,

Ripitison di Lei 24:13

Ora ku sol na noti, sin falta bu ta tornal el, pa i pudi durmi ku si ropa, i bensuau. SIÑOR bu Deus ta oja kuma bu fasi un kusa ki diritu.