Saida 22:21 - BIBLIA - traduson antigu in Krioulo

²¹ “Ka bo maltrata ospri, nin ka bo kalkal, pabia abos bo seduba ospris na tera di Ejitu.

Saida 22:21 ပူးပေါင်းရင်းမြစ်များ

Jo 6:27

Bo pudiba sta pruntu te pa juga sorti pa ngaña orfan, o pa splora bo amigu.

Salmus 146:9

SIÑOR ta guarda stranjerus, i ta kuida di orfan ku viuva, ma i ta tarpaja kamiñu di jinti mau.

Saida 20:2

“Ami i SIÑOR bu Deus ku tirau di Ejitu, ki kau di katiberasku.

Saida 23:9

“Ka bu maltrata un ospri, pabia bo kunsi vida di ospri; abos bo seduba ospris na tera di Ejitu.

Isaias 1:17

bo nsina fasi ben; bo fasi kil ki bon, bo juda kil ku na kalkadu, bo difindi pa orfan, bo trata kasu di viuvas.”

Jeremias 22:3

Asin ku SIÑOR fala: Bo fasi kusas bon i justu. Kil ku si kusas robadu, bo libral na mon di kil ku na fasil mal. Ka bo kalka stranjeru, nin orfan nin viuva; ka bo fasi violensia, nin ka bo mata jinti ku ka ten kulpa ne kau.

Jeremias 7:6

Ka bo kalka stranjeru, nin orfan nin viuva; ne kau ka bo mata algin ku ka ten kulpa, nin ka bo yanda tras di utru deusis, pa ka mal bin riba di bos.

Ezekiel 22:7

Dentru di bu mura e njuti papes ku mames, e kalka ospris, tudu ku orfans ku viuvas.

Sirmonias 19:13

“Ka bu splora bu kumpañer nin ka bu furta ke ki di sil. Pagamentu di bu tarbajadur i ka na fika ku bo te parmaña.

Sirmonias 19:33

“Ora ku stranjeru bin mora na bo tera, ka bo maltratal.

Sirmonias 19:34

Stranjeru ku mora ku bos i ten ku tratadu suma fiju di tera. Bu na amal suma bu kabesa propi, pabia bo seduba stranjerus na tera di Ejitu. Ami i SIÑOR bo Deus.

Sirmonias 25:35

“Si bu kumpañer na Israel bida koitadi, si forsa kaba ku el, bu na sustental suma stranjeru o ospri, pa i pudi mora ku bo.

Zakarias 7:10

Ka bo kalka viuva, nin orfan, nin stranjeru nin koitadi; ka ningin pensa na si korson fasi mal kontra si ermon.’

Malakias 3:5

SIÑOR ku ten tudu puder fala: “N na bin ciga na bo metadi pa julga, tudu pruntu pa sedu tustumuña kontra futserus, ku kilis ku ta dita ku omi o minjer ki ka di sil, kilis ku ta jurmenta na mintida, kilis ku ka ta paga se tarbajaduris, ku kilis ku ta tursi justisa di viuva, orfan ku stranjeru.

Ripitison di Lei 1:16

Na ki tempu N da bo juisis e ordi: “Bo obi purblemas ku ta lanta na metadi di bo ermons, bo fasi justisa diritu, nin si i na metadi di ermons di Israel, o na metadi di un delis ku ospri.

Ripitison di Lei 10:18

I ta difindi pa orfan ku viuva, i ten amor pa stranjeru, i ta dal kumida ku ropa.

Ripitison di Lei 10:19

Asin bo ten ku ama stranjerus, pabia bo seduba stranjerus na tera di Ejitu.

Ripitison di Lei 15:15

Lembra kuma bu seduba katibu na tera di Ejitu, ma SIÑOR bu Deus libertau di la. E ku manda N na dau e ordi aos.

Ripitison di Lei 23:16

I pudi fika na bo metadi, na kau ki kuji na kualker di bu prasas; ka bu maltratal.

Ripitison di Lei 23:7

Ka bu nuju un edomeu, pabia i bu ermon, nin ka bu nuju un ejipsiu, pabia bu seduba stranjeru na si tera.

Ripitison di Lei 24:17

Ka bu nega fasi justisa sertu pa stranjerus ku orfans, nin ka bu seta pa viuva mpiñau si ropa.

Ripitison di Lei 27:19

“Maldisuadu kil ku nega fasi justisa sertu pa stranjeru, orfan ku viuva.” Tudu pobu na ruspundi e fala: “Amen.”