Saida 22:20 - BIBLIA - traduson antigu in Krioulo

²⁰ “Kil ku ronia iran, i ka sakrifika son pa SIÑOR, i ta kabadu ku el.

Saida 22:20 ပူးပေါင်းရင်းမြစ်များ

1 Reis 18:40

Elias fala elis: “Bo paña anunsiaduris di Baal; ka bo disa nin un delis pa i kapli.” E paña elis. Elias leba elis pa riusiñu di Kison, i mata elis la.

2 Reis 10:25

Dipus di kaba kema ofertas, Jeu fala si guardas ku kapitons: “Bo yentra, bo mata elis. Ka bo disa nin un son kapli.” Asin e mata elis ku spada, e bota elis fora, e yentra dentru di kuartu sagradu di baloba di Baal,

2 Kronikas 15:13

Kualker algin ku ka na buska SIÑOR, Deus di Israel, ten ku matadu, nin si i beju o i nobu, nin si i omi o i minjer.

Saida 23:9

“Ka bu maltrata un ospri, pabia bo kunsi vida di ospri; abos bo seduba ospris na tera di Ejitu.

Saida 32:8

E janti pa disvia kinti-kinti di kamiñu ku N manda elis pa e sigi; e ribi uru, e kumpu turu, e mpina pa el, e fasi sakrifisiu pa el, e fala: ‘O Israel! Es i bu deus ku tirau di tera di Ejitu.’ ”

Saida 34:15

“Toma sintidu pa ka fasi kontratu ku kilis ku mora na ki tera, pabia ora ke na bai tras di manga di deus pa fasi sirmonia pa elis, e pudi bin kumbidau; bu pudi bai kume kumida di sirmonia.

Ezekiel 20:7

N fala elis: “Kada kin pa i bota fora ki kusas nujenti ki pui sintidu nel; ka bo kontamina ku idulus di Ejitu. Ami N sedu SIÑOR bo Deus.”

Sirmonias 17:7

Nunka mas e ka na sedu infiel pa mi, e pursenta se sakrifisius pa dimonius. Es i na sedu lei ku na dura pa sempri na se jorsons.

Sirmonias 19:33

“Ora ku stranjeru bin mora na bo tera, ka bo maltratal.

Malakias 3:5

SIÑOR ku ten tudu puder fala: “N na bin ciga na bo metadi pa julga, tudu pruntu pa sedu tustumuña kontra futserus, ku kilis ku ta dita ku omi o minjer ki ka di sil, kilis ku ta jurmenta na mintida, kilis ku ka ta paga se tarbajaduris, ku kilis ku ta tursi justisa di viuva, orfan ku stranjeru.

Numerus 21:3

SIÑOR obi pididu di Israel, i ntrega elis ki kananeus; elis tudu ku se prasas e danadu fep. Asin nomi di ki lugar i comadu Orma.

Ripitison di Lei 10:18

I ta difindi pa orfan ku viuva, i ten amor pa stranjeru, i ta dal kumida ku ropa.

Ripitison di Lei 18:20

Ma un anunsiadur ku osa fala un kusa na ña nomi ku N ka mandal pa i fala, o ku fala na nomi di utru deusis, ki anunsiadur ten ku matadu.”

Ripitison di Lei 23:8

Se bisnetus ku se jorson pa dianti e pudi mati na juntamentu di SIÑOR.

Ripitison di Lei 24:17

Ka bu nega fasi justisa sertu pa stranjerus ku orfans, nin ka bu seta pa viuva mpiñau si ropa.