Saida 20:5 - BIBLIA - traduson antigu in Krioulo

⁵ Ka bu mpina pa elis, nin ka bu adora elis, pabia ami i SIÑOR bu Deus, ku ta ten siumi. Kilis ku ta odian, N ta kastiga se maldadi riba di se fijus, netus, ku bisnetus,

Saida 20:5 ပူးပေါင်းရင်းမြစ်များ

2 Samuel 21:1

Na tempu di Davi i tenba fomi ku dura pa tris anu. Davi bai punta SIÑOR; SIÑOR falal: “I pabia di kulpa di sangi ku sta riba di Saul ku si familia, manera ki mata jibeonitas.”

2 Samuel 21:6

Danu seti omi na si familia pa no nforka elis dianti di SIÑOR na Jibeá, prasa di Saul, kil ku SIÑOR kujiba.” Rei fala elis: “N na da bos elis.”

1 Reis 19:10

I falal: “N pega tesu sempri na sirbi SIÑOR Deus ku ten tudu puder, ma fijus di Israel kebra se kontratu ku bo, e durba bu altaris, e mata bu anunsiaduris ku spada. N fika ami son, ma e na buska manera di matan tambi.”

1 Reis 21:29

“Bu nota manera ku Akab baŝa ña dianti? Suma ki baŝa asin, N ka na manda ki kastigu na si dias, ma na tempu di si fiju N na mandal.”

2 Reis 17:35

Oca ku SIÑOR fasiba kontratu ku pobu di Israel, i da elis ordi, i fala: “Ka bo adora utru deusis, nin ka bo mpina se dianti; ka bo sirbi elis nin ka bo sakrifika pa elis,

2 Reis 17:41

Asin ki jinti ta adoraba SIÑOR, ma e ta adoraba se idulus tambi; se fijus ku netus kontinua fasi mesmu kusas te aos.

2 Reis 23:26

Ma ki garandi raiba di SIÑOR ka fria; i na yardiba inda kontra Judá pabia di tudu kusas ku Manasés fasi ku lantanda si raiba.

2 Reis 5:18

ma SIÑOR ta purdan nes un kusa: Ora ku ña mestre yentra na baloba di Rimon pa bai adoral, si i na ngosta na ña mon, ami tambi N ten ku mpina na kasa di Rimon. SIÑOR ta purdan ne kusa.”

2 Reis 5:27

Asin, mpincu di Naaman na kamba na bo ku bu jorson pa sempri.” Ki ora Jeazi sai; si kurpu bidaba ja branku fandan ku mpincu.

2 Kronikas 25:14

Oca ku Amazias kaba mata edomeus, i riba, i leba idulus di fijus di Seir, i fasi elis si deusis, i mborka se dianti, i kema nsensu pa elis.

2 Kronikas 7:19

Ma si abo ku bu familia disvia, bo para obdisi ña leis ku mandamentus ku N da bos, bo bai sirbi utru deusis, bo mpina se dianti,

Jo 21:19

“Bo fala kuma Deus ta kastiga violensia di un omi na si fijus, ma i dibi di kastiga ki omi propi, pa i sinti.

Jo 5:4

Si fijus ka pudi oja suguransa; e pasa mal na kau di julgamentu, sin algin ku na libra elis.

Salmus 109:14

SIÑOR pa i lembra di maldadi di si papes; pekadu di si mame pa i ka purdadu,

Salmus 78:58

E lantanda si raiba ku se kaus altu di ronia; e disperta si siumi ku se imaẑens labradu.

Salmus 79:8

Ka bu lembra di pekadus di no papes, pa bu pui kulpa riba di nos; janti, bu bin mostranu bu bondadi, pabia no sta disanimadu dimas.

Salmus 81:15

Kilis ku ten odiu di SIÑOR e na ribaba tras ku medu; se kastigu na kontinuaba pa sempri.

Saida 23:24

Ka bu mpina dianti di se deusis, nin ka bu adora elis; ka bu pratika se kustumus, ma bu na dana elis tudu, bu na kebra tudu se idulus sagradu.

Saida 34:14

Ka bo adora utru deus, pabia nomi di SIÑOR i Siumi; na bardadi el i Deus di siumi.

Ditus 8:36

Kil ku peka kontra mi i dana si propi vida; tudu kilis ku aburisin e misti mortu.”

Isaias 44:15

Omi ta bin toma madera di ki pos, i fasil leña, pa sindi fugu pa kenta o pa kusña. I ta kumpu tambi un deus, i adoral; i labra un idulu, i finka juju si dianti.

Isaias 44:19

Nin un son delis ka ta pensa diritu ne kusas. Ningin ka ten jiresa nin ntindimentu pa fala: “N kema metadi na fugu, N kusña ku el; N yasa karni ku el, N kumel. Nta N na bin fasi un kusa nujenti ku kil ku sobra, pa N finka juju dianti di un padas di madera?”

Jeremias 2:9

Ami, SIÑOR, N na pursenta ña keŝa kontra bos, ku fijus di bo fijus.

Jeremias 32:18

Bu ta fasi bondadi pa milyaris di jinti, ma bu ta pui maldadi di papes pa i kai riba di fijus. Abo i Deus garandi, puderosu, ku ten nomi di SIÑOR ku ten tudu puder.

Ezekiel 18:19

“Ma bo na punta: ‘Ke ku manda fiju ka na leba kulpa di si pape?’ I pabia fiju fasi kil ki justu i bon, i obdisi tudu ña leis, i yanda nelis; e ku manda i na bibu.

Ezekiel 18:2

“Ke ku bo misti fala ora ku bo ripiti ki ditu aserka di tera di Israel? Bo ta fala kuma: ‘Papes kume uvas verdi; dintis di fijus kaiambra.’

Ezekiel 20:7

N fala elis: “Kada kin pa i bota fora ki kusas nujenti ki pui sintidu nel; ka bo kontamina ku idulus di Ejitu. Ami N sedu SIÑOR bo Deus.”

Ezekiel 39:25

Asin ku SIÑOR Deus fala: “N na torna tisi fijus di Jakó ku staba na katiberasku, N na sinti pena di tudu pobu di Israel. N na difindi ña nomi santu.

Ezekiel 8:3

I distindi kusa ku parsi ku mon, i pañan na kabelu di ña kabesa. Na un vison di Deus, Spiritu lantandan entri tera ku seu, i leban pa Jerusalen, te na entrada di porta di kintal di dentru ku ta fika na ladu di norti, nunde ki puduba un imaẑen di siumi ku pui Deus pa i sinti siumi.

Daniel 1:2

SIÑOR ntrega Jeoiakin, rei di Judá, na si mon, ku un parti di kusas sagradu di kasa di Deus. I leba elis pa tera di Babilonia pa baloba di si deus, i pui elis na armazen di rikesa di si deus.

Daniel 3:18

ma nin si i ka libranu, Ñu Rei pudi sibi kuma no ka na sirbi bu deusis, nin no ka na adora ki statua di uru ku bu lantanda.”

Sirmonias 20:5

ami N na vira kontra ki omi, ku si familia, ku tudu kilis ku na bai si tras, pa manera ke ka fiel pa mi, ma e bai tras di Molok; N na tira elis na metadi di se pobu.

Sirmonias 26:1

“Ka bo kumpu idulus pa bos, nin ka bo lantanda statua, nin pedra sagradu; ka bo pui pedra labradu na bo tera pa bo mpina si dianti. Ami i SIÑOR bo Deus.

Sirmonias 26:29

Bo na bin kume karni di bo fijus, macu ku femia.

Naun 1:2

SIÑOR i Deus di siumi ku ta torna vingansa; SIÑOR ta ten raiba ciu, i ta vinga. SIÑOR ta toma vingansa kontra si inimigus, i guarda si raiba kontra elis.

Numerus 14:18

‘SIÑOR ten garandi pasensa ku amor, i ta purda pekadu ku rebelion, ma i ka ta diskulpa kil ki kulpadu; i ta kastiga fijus ku netus te na terseru ku kuartu jorson, pabia di pekadu di papes.’

Numerus 14:33

Bo fijus na sufri pabia bo ka sedu fiel; e na yanda-yanda ne lala korenta anu, tok bo kaba muri tudu na lala.

Numerus 25:11

“Fineias, fiju di Eleazar, fiju di saserdoti Aron, i disvia ña raiba ku staba riba di fijus di Israel, pabia el, na se metadi, i mostra mesmu siumi ku ami N sintiba. E ku manda N ka kaba ku fijus di Israel na ña siumi.

Mateus 4:9

i falal: “N na dau es tudu si bu mpina, bu adoran.”

Bon Noba di Jesus Kristu ku Jon 15:18

“Si jinti di mundu na nfastia bos, ka bo diskisi kuma, purmeru, antis di bos, e nfastian tambi.

Bon Noba di Jesus Kristu ku Jon 7:7

Jinti di mundu ka pudi nfastia bos, ma ami e ta nfastian, pabia N ta konta elis sempri kuma e ta fasi mal.

Bon Noba di Jesus Kristu ku Jon 9:2

Si disipulus puntal: “Rabi, kin ku peka pa es algin padidu segu? I el propi, o si papes?”

Romanus 1:30

e sedu ruiduris, disfamaduris, nfastiaduris di Deus, kobaduris, kunfiadus, orgulyosus, nventaduris di mal, disobdienti pa pape ku mame,

Romanus 8:7

Pensamentu di no naturesa i inimisadi kontra Deus; i ka ta obdisi lei di Deus. Na bardadi i ka pudi.

1 Koríntius 10:22

O no na pui Siñor pa i ten siumi? O anos i mas forti di ki el?

Ripitison di Lei 32:21

E lantanda ña siumi ku kil ku ka sedu Deus; ku se idulus e pun pa N paña raiba. Asin N na pui elis na kumbosadia ku kilis ku ka sedu pobu; N na pui elis raiba ku un nason ku ka ten ntindimentu.

Ripitison di Lei 32:41

ora ku N mola ña spada ku ta lampra, N pegal na mon pa julga, N na torna vingansa pa ña inimigus; tambi N na paga kilis ku ten odiu di mi.

Ripitison di Lei 4:24

pabia SIÑOR bo Deus i un fugu ku ta kaba ku tudu, un Deus ku ta ten siumi.

Ripitison di Lei 5:10

Ma N ta mostra ña bondadi pa milyaris di kilis ku aman, e obdisi ña mandamentus.

Ripitison di Lei 5:9

Ka bu mpina pa elis, nin ka bu adora elis, pabia ami, SIÑOR bu Deus, N sedu Deus ku ta ten siumi. Kilis ku odian, N ta kastiga se maldadi riba di se fijus ku netus ku bisnetus.

Ripitison di Lei 6:15

pa raiba di SIÑOR bu Deus ka bin yardi kontra bo, tok i kaba ku bo, pabia SIÑOR bu Deus ku sta na bo metadi i ta ten siumi.

Ripitison di Lei 7:10

ma kilis ku odial, i ka na tarda pa da elis se pagamentu, i na kaba ku elis.

Tiagu 4:4

Abos jinti ku ka fiel pa Deus, bo ka sibi kuma amisadi ku mundu i inimisadi ku Deus? Asin, kil ku misti sedu amigu di mundu i ta bida inimigu di Deus.

Josué 23:16

Si bo kebra ki kontratu ku SIÑOR bo Deus manda bos, bo bin bai pa sirbi utru deusis, bo mpina se dianti, nta raiba di SIÑOR na yardi kontra bos; logu bo na pirdi ne bon tera ki da bos.”

Josué 23:7

Ka bo junta ku e nasons ku sobra inda na bo metadi; ka bo coma nomis di se deusis, nin ka bo jurmenta nelis; ka bo sirbi elis, nin mpina se dianti,

Josué 24:19

Josué fala pobu: “Bo ka na pudi sirbi SIÑOR, pabia i sedu Deus puru ku ten siumi di bos; i ka na purda bo disobdiensia nin bo pekadu.

Ŝefis 2:19

Si ki ŝef muri, e ta rabida, e fasi kusa mas pior di ki se papes; e ta bai tras di utru deusis, e sirbi elis; e ta mpina se dianti. E nega disa ki kusas ke ta fasi, ku ki kamiñu mau ke ta yandaba nel.