Saida 20:17 - BIBLIA - traduson antigu in Krioulo

¹⁷ “Ka bu kubisa kasa di bu kumpañer, nin ka bu kubisa si minjer, si katibu macu o femia, si turu, si buru, nin nada di bu kumpañer.”

Saida 20:17 ပူးပေါင်းရင်းမြစ်များ

Kumsada 14:23

kuma, desdi fiu di liña te na korda di bu sapatu, nada di bo N ka na toma, pa bu ka bin fala kuma abo ku fasi Abron pa i riku.

Kumsada 3:6

Minjer oja ki arvuri kuma i bon pa kume, i bonitu na si uju; i kumsa dijal pa i pudi dal ntindimentu. I tira si fruta, i kume, i da tambi si omi; kila kumel juntu ku el.

Kumsada 34:23

Nta tudu se limarias ku kusas ke tene ka na sedu di nos? No seta es ke na fala; e na mora ku nos.”

Jo 31:1

“N fasi kontratu ku ña uju; nta kuma ku N na pul na un bajuda?

Jo 31:9

“Si N disa ña korson atraidu pa minjer di ña kumpañer; si N bai montia na si porta,

Salmus 10:3

Omi mau ta sinti orgulyu di si diseẑus. I ta fala ben di kil ku misti tudu; i ta koba mal kontra SIÑOR.

Salmus 119:36

Pui ña korson pa i oja pa bu nsinamentus, pa i ka oja pa kubisa.

Ditus 4:23

Riba di tudu, guarda bu korson, pabia el i fonti di vida.

Ditus 6:29

Asin ki sedu ku kil ku dita ku minjer di si kumpañer. Kil ku toka nel i ka na fika sin kulpa.

Eklesiastis 4:8

I ten un omi ku sta el son, ku ka tene fiju nin ermon; i ta tarbaja sin para, pabia i ka ta farta junta rikesa. I ka ta punta: “Kin ku N na tarbaja pa el, manera ku N ta nega diskansa pa N goza ña vida?” Es tambi i bakatela, i un vida kansadu.

Isaias 33:15

I ki algin ku ta yanda diritu, i papia kusas retu; i ta nega toma kusas na tarpasa; i ta sukundi mon pa ka risibi suku di bas; i ka ta toma parti na kombersa di planu di matansa, nin i ka ta pui uju na kusa ku na tental pa mal.

Isaias 57:17

N tenba raiba pabia di pekadu di se korsonudu; e ku manda N kastiga elis, N ka da elis rostu pabia di ña raiba, ma e kontinua risu kabesa na kamiñu ke misti.

Jeremias 22:17

Ma bu uju ku bu korson ta pui sintidu son pa ngaña ku tarpasa, pa darma sangi di kil ku ka ten kulpa, pa kalka jinti, pa toma kusas ku violensia.

Jeremias 5:8

E sedu suma kabalus ku farta diritu, ku ta lanta parmaña, e cora, kada un pa minjer di si kumpañer.”

Ezekiel 33:31

Elis e ta bin pa bo suma ku jinti ta kustuma bin, e sinta bu dianti suma ña pobu; e ta obi bu palabra, ma e ka ta pul na pratika. E ta papia kusas sabi, ma se korson na buska son lukru.

Mikeias 2:2

E ta kubisa lugaris, e toma elis ku forsa; e ta kubisa kasas, e toma elis. E ta fasi violensia, e roba omi si kasa, e toma si yardansa.

Abakuk 2:9

“Ai di kil ku junta na si kasa rikesa ki ngaña na un manera mau, pa pui si niñu na kau altu, pa libra di puder di mal!

Mateus 20:15

Nta N ka ten diritu di fasi ke ku N misti ku kil ki di mi? Pabia di ke ku bu na oja mal na bon kusa ku N fasi?’

Mateus 5:28

Ma N na konta bos kuma, tudu algin ku jubi minjer ku mau pensamentu, i kai ja ku el na si korson.

Lukas 12:15

I fala pobu: “Bo toma sintidu, bo libra di tudu koldadi kubisa, pabia vida di algin i ka sta na manga di kusa ki tene.”

Lukas 16:14

Utru fariseus ku gostaba di diñeru, oca ke obi tudu e kusa ku Jesus fala, e fasil trosa.

Atus 20:33

N ka kubisa ningin nin uru, nin prata, nin ropa.

Atus 5:4

Antis di bu bindilba, i di bo; dipus ku bu bindil, diñeru staba na bu mon. Ke ku pou pa bu kuda fasi e kusa? Bu ka konta mintida pa omis ma pa Deus.”

Romanus 13:9

Na bardadi, “Ka bu dita ku kin ku bu ka kasa ku el,” “Ka bu mata,” “Ka bu furta,” “Ka bu lantanda falsu tustumuñu,” “Ka bu kubisa,” ku kualker utru mandamentu ku ten, i sta juntu ne un palabra: “Ama bu kumpañer suma bo propi.”

Romanus 7:7

Ke ku no na fala? Nta lei i pekadu? Nunka! Ma N ka na kunsiba pekadu si i ka lei ku mostran el. N ka na kunsiba ke ki diseẑu mau si i ka lei ku falaba: “Ka bu kubisa.”

1 Koríntius 6:10

Ka bo ngana bo kabesa, pabia kilis di mau vida, kilis ku ta adora idulus, kilis ku ta fasi pekadu seksual, kilis ki omoseksual, ladrons, kilis ku risu mon, camiduris, kobaduris di mal ku nturjons, e ka na ten parti na renu di Deus.

Efésius 5:3

Pekadu seksual ku tudu koldadi vida susu ku kubisa, i ka bon pa i comadu na bo metadi, suma ku bo sedu pobu di Deus.

Efésius 5:5

Bo pudi ten sertesa kuma, algin ku ta fasi pekadu seksual, o kil ku tene vida susu, o kil ku ten kubisa (ki suma idulatria), i ka pudi pertensi renu di Kristu, ku sedu renu di Deus.

Ripitison di Lei 5:21

“Ka bu kubisa minjer di bu kumpañer, nin ka bu kubisa si kasa, si lugar di labur, si katibu macu o femia, si turu, si buru, nin nada di bu kumpañer.”

Ripitison di Lei 7:25

Bu na kema imaẑens labradu di se deusis na fugu; ka bu kubisa prata ku uru ku sta riba delis, nin ka bu tomal pa bo. I pudi sedu lastru pa pañau, pabia i kusa nujenti pa SIÑOR bu Deus.

Filipensis 3:19

ku na fin e na pirdi, pabia se deus i se bariga; e ta njata ku kusa di borgoña; e ta kuda son na kusa de mundu.

Kolosensis 3:5

Bo mata ki partis na bos ku sedu di tera, suma pekadu seksual, susidadi, diseẑu mau, vontadi forti pa mal, ku risu mon (ku sedu suma adora idulu).

Ebreus 13:5

Bo libra di faimadesa di diñeru. Bo fika kontenti ku kil ku bo tene, pabia Deus fala: “N ka na disau, nin N ka na bandonau.”

Josué 7:21

Oca N oja, na metadi di kusas tomadu na gera, un bon kapa di Babilonia, mas di ki dus kilu di prata ku un bloku di uru ku pesa mas di ki meiu kilu, N mistiba elis dimas, N toma. Ala elis sukundidu dentru di ña tenda, na con, ku prata mas pa bas.”

1 Samuel 12:3

Alin li; bo tustumuña kontra mi dianti di SIÑOR ku dianti di si rei unjidu, si N toma turu di algin, o N toma buru di algin, o N fasi algin tarpasa, o N maltrata algin, o N toma suku di bas na mon di algin pa N pudi tapa uju. Si N fasi kualker de kusas, N ta torna bos el.”

1 Samuel 15:19

Nta pabia di ke ku bu ka obdisi ordi di SIÑOR, ma bu janti pa pui mon na kusas ku bu toma na gera, bu fasi kusa ki mau dianti di SIÑOR?”