Saida 20:10 - BIBLIA - traduson antigu in Krioulo

¹⁰ ma setimu dia i dia di diskansu pa SIÑOR bu Deus. Ka bu fasi nin un tarbaju, nin abo nin bu fiju macu o femia, nin bu katibu macu o femia, nin bu limaria, ku fadi bu ospri ku sta na bu kasa,

Saida 20:10 ပူးပေါင်းရင်းမြစ်များ

Neemias 10:31

Si stranjerus na no tera tisi arus o kualker utru kusa pa bindi na dia di diskansu, o na utru dia sagradu, no ka na kumpra nada. Kada setimu anu no na disa con pa i diskansa; tambi no na purda tudu dibidas.

Saida 16:26

Bo na kujil na seis dia, ma setimu dia i dia di diskansu; i ka na ten na ki dia.”

Saida 31:13

pa i papia ku fijus di Israel, i fala elis: “Bo ten ku guarda ña dias di diskansu, pabia i sinal na metadi di mi ku bos pa sempri, pa bo sibi kuma ami i SIÑOR ku separa bos pa bo sedu ña pobu.

Saida 34:21

“Bu tene seis dia pa tarbaja, ma na setimu dia bu na diskansa, nin si i tempu di labur o di kebur.

Saida 35:2

Tarbaju ta fasidu na seis dia, ma setimu i dia sagradu pa bos, i sabadu di diskansu pa SIÑOR. Algin ku fasi tarbaju na ki dia i na matadu.

Ezekiel 14:7

“‘Kualker omi, di Israel o stranjeru ku mora na Israel, ku disvia di mi, i pui sintidu na si idulus, i pui uju na pekadu ku na pul pa i kai, si i bin pa pidi anunsiadur pa i puntan, ami, SIÑOR, N na ruspundil, ami propi.

Sirmonias 23:3

“Bo pudi tarbaja duranti seis dia, ma setimu dia i na sedu sabadu di diskansu, un dia di juntamentu sagradu; bo ka na fasi nin un tarbaju na ki dia. Na tudu kau ku bo mora, i na sedu dia di diskansu di SIÑOR.

Lukas 23:56

E riba pa kasa pa purpara pomadas ku purfumus. Dia di sabadu e diskansa, suma ku lei manda.