Saida 2:16 - BIBLIA - traduson antigu in Krioulo

¹⁶ Saserdoti di Midian teneba seti fiju femia ku bin pa kata yagu. E inci tinas pa da karnel di se pape pa e bibi.

Saida 2:16 ပူးပေါင်းရင်းမြစ်များ

Kumsada 14:18

Melkisedek, rei di Salen, tisi pon ku biñu. El i seduba saserdoti di ki Deus ku sta riba di tudu.

Kumsada 24:11

I pui kamelus finka juju lungu di un fonti di yagu fora di prasa, di tardiñu, na ora ku minjeris ta bai kata yagu.

Kumsada 24:13

Ali N firma lungu di fonti di yagu. Bajudas de prasa e na bin kata yagu.

Kumsada 29:2

I oja un fonti na matu, ku tris koral di karnel ku ditaba lungu del, pabia na ki fonti e ta bibinti karnel. I tenba un pedra garandi riba di fonti.

Kumsada 41:45

Faraó coma nomi di José Zafenat-Paneia; i dal Asenat, fiju di Potífera, saserdoti di On, pa i sedu si minjer. José ta yandaba na tudu tera di Ejitu.

Saida 18:1

Jetru, saserdoti di Midian, pape di minjer di Moisés, i obi tudu kusas ku Deus fasi pa Moisés ku Israel, si pobu, manera ku SIÑOR tira elis di Ejitu.

Saida 18:12

Dipus, Jetru tisi oferta pa kema, ku utru limarias pa sakrifika pa Deus. Aron ku tudu garandis di Israel e bin kume juntu ku Jetru dianti di Deus.

Saida 3:1

Oca ku Moisés na bakiaba karnel di pape di si minjer, ku sedu Jetru, saserdoti di Midian, i leba karnel na utru ladu di lala, i ciga na monti di Deus ku sedu Oreb.

1 Samuel 9:11

Oca ke staba na subida pa prasa, e oja utru bajudas ku na binba buska yagu. E punta elis: “Videnti sta la?”