Saida 19:18 - BIBLIA - traduson antigu in Krioulo

¹⁸ Tudu monti di Sinai na fumaba, pabia SIÑOR disiba riba del ku fugu. Ki fumu na subiba suma fumu di un furnu garandi. Tudu monti na tirmiba ku forsa.

Saida 19:18 ပူးပေါင်းရင်းမြစ်များ

Kumsada 11:5

SIÑOR disi pa jubi prasa ku kasa kumpridu ku omis na kumpuba.

Kumsada 15:17

Oca sol kai, kau sukuruba ja, i ojadu un furnu di fumu ku pacu di fugu ku na pasaba na metadi di ki karnis.

Kumsada 19:28

I jubi pa ladu di Sodoma ku Gomora, ku tudu bulañas di ki tera, i oja fumu ku na subi pa riba suma fumu di un furnu.

Neemias 9:13

“Bu disi di seu riba di monti Sinai; bu fala ku bu pobu, bu da elis regras retu ku leis di bardadi, ku bon ordis ku mandamentus.

Salmus 104:32

Si i jubi pa tera, kila ta tirmi; si i toka na montis, e ta larga fumu.

Salmus 114:4

Montañas jukuta suma karnel, montis pikininu suma karnelsiñus.

Salmus 114:7

O tera, tirmi dianti di SIÑOR, dianti di Deus di Jakó,

Salmus 144:5

O SIÑOR, yabri bu seu, bu ria; toka na montañas pa e fuma.

Salmus 18:9

I yabri seu, i ria; i teneba nuven sukuru bas di si pe.

Salmus 68:9

O Deus, bu manda manga di cuba, bu regua tera di bu yardansa, ku staba kansadu.

Salmus 77:18

Baruju di bu turbada obidu na ar; relampagu numia mundu; con balansa, i tirmi.

Salmus 77:19

Bu pega kamiñu ku pasa na mar; bu yanda na metadi di yagu fundu, ma sinal di bu pe ka ojadu.

Saida 19:13

Ka ningin toka na ki algin ku mon, ma i ten ku fercadu ku pedras, o ku fleŝa. I pudi sedu limaria o omi, ma i ka na disadu ku vida. Ora ku korneta toka di kumpridu, e ta ciga pertu di monti.”

Saida 19:17

Moisés leba elis fora di kampamentu pa bai kontra ku Deus. E firma pertu di monti.

Saida 20:18

Tudu pobu oja relampagu, e obi turbada ku baruju di korneta ku na toka, e oja monti na fuma, e tirmi ku medu, e rakua, e bai fika lunju.

Saida 3:2

Anju di SIÑOR bin pa Moisés dentru di un ŝama di fugu ku na yardi na metadi di un arvurisiñu. Moisés fika i na jubi, i rapara kuma ki arvurisiñu na yardi, ma i ka na kema.

Saida 34:2

Purpara pa amaña sedu, bu subi na monti Sinai. La bu na bin ña dianti na kabesa di monti.

Isaias 6:4

Ku forsa di se vos, alisersu tirmi tok portas bulbuli; kasa inci fumu.

Isaias 64:1

O SIÑOR! I ta bon ba si bu findi seu, bu ria, pa montis tirmi bu dianti,

Jeremias 4:24

N jubi pa montañas; e na tirmi; tudu montis na bulbuliba.

Abakuk 3:6

I para, i bulbuli con; i jubi, i pui nasons pa e tirmi. Montañas ku staba la sempri e kebra-kebradu; montis kai tudu, ki montis nunde ki ta yandaba sempri.

Zakarias 14:5

Bo na kuri na kobon di ña montañas, ku ta bai te na Azel. Bo na kuri suma ku bo kuriba di tirmidura di con na tempu di Uzias, rei di Judá. Dipus, SIÑOR ña Deus na bin, ku tudu anjus sagradu ku el.

Mateus 24:7

Nason na lanta kontra nason, renu kontra renu. I na ten fomi ku tirmidura di con na manga di kau,

Ripitison di Lei 33:2

SIÑOR bin di Sinai; di Seir i lanta riba delis suma sol, i lampra desdi monti Paran. I bin ku des mil anju; na si direita i tenba fugu ku na lampraba.

Ripitison di Lei 4:36

I fasiu pa bu obi si vos ku sai la na seu, pa nsinau. Li na tera i mostrau si garandi fugu; bu obi si palabra ku na sai na metadi di ki fugu.

Ripitison di Lei 5:22

Es i palabras ku SIÑOR papia ku garandi vos pa tudu bo juntamentu, ocal na monti, na metadi di fugu, nuven ku sukuru. I ka buri mas nada, ma i skirbi ki palabras na dus tagua di pedra, i dan elis.

Ripitison di Lei 5:4

SIÑOR papia ku bo, uju ku uju, na metadi di fugu na monti.

2 Tesalonisensis 1:7

Abos ku na sufri, i na lebia bos, ku nos tambi. Es tudu na sedu ora ku Siñor Jesus parsi na seu ku si anjus ku ten puder,

2 Tesalonisensis 1:8

ku fugu ku na yardi, pa kastiga kilis ku nega kunsi Deus, ku kilis ku ka obdisi Bon Noba di no Siñor Jesus.

Ebreus 12:18

Bo ka ciga na ki monti ku pudi palpadu, ku na yardi ku fugu, sukuru pretu nok, ku turbada,

Ebreus 12:26

Na ki dia si vos pui tera tirmi, ma gosi i fala kuma, mas un bias i ka na fasi son tera tirmi, ma seu tambi.

2 Pedru 3:10

Dia di Siñor na bin suma ladron. Na ki dia seu na disparsi ku garandi baruju. Strelas na yardi, e na pajiga. Tera ku tudu kusa ku sta nel i na kemadu.

Apokalipsi 15:8

Lugar sagradu bin inci ku fumansa di gloria ku puder di Deus. Ningin ka pudi yentra la tementi seti kastigu ka kaba ku ki seti anju na manda.

Apokalipsi 9:2

I yabri ki abismu; fumu sai na koba suma fumu di un furnu garandi. Fumansa di ki koba i bidanta sol ku ar sukuru.

Ŝefis 5:5

Montañas bin tirmi dianti di SIÑOR di Sinai, dianti di SIÑOR, Deus di Israel.