Saida 19:11 - BIBLIA - traduson antigu in Krioulo

¹¹ e pruntia pa ermon di amaña, pabia na ki dia SIÑOR na ria riba di monti Sinai dianti di uju di tudu pobu.

Saida 19:11 ပူးပေါင်းရင်းမြစ်များ

Kumsada 11:5

SIÑOR disi pa jubi prasa ku kasa kumpridu ku omis na kumpuba.

Neemias 9:13

“Bu disi di seu riba di monti Sinai; bu fala ku bu pobu, bu da elis regras retu ku leis di bardadi, ku bon ordis ku mandamentus.

Salmus 144:5

O SIÑOR, yabri bu seu, bu ria; toka na montañas pa e fuma.

Salmus 18:9

I yabri seu, i ria; i teneba nuven sukuru bas di si pe.

Saida 19:16

Na terseru dia, oca ku sol na mansi, i tenba garandi turbada ku relampagu riba di monti, ku nuven sukuru. Korneta bin toka altu dimas. Tudu jinti na kampamentu e kumsa na tirmi.

Saida 19:18

Tudu monti di Sinai na fumaba, pabia SIÑOR disiba riba del ku fugu. Ki fumu na subiba suma fumu di un furnu garandi. Tudu monti na tirmiba ku forsa.

Saida 19:20

Oca ku SIÑOR disi na kabesa di monti Sinai, i coma Moisés pa i subi la; Moisés subi.

Saida 24:16

Gloria di SIÑOR ria na monti di Sinai. Na uju di fijus di Israel ki gloria seduba suma fugu ku na kema riba di monti. Ki nuven kubri monti pa seis dia; na setimu dia Deus coma Moisés na metadi di nuven.

Saida 3:8

Pabia di kila, N ria pa bin libra elis na mon di ejipsius, pa tira elis na ki tera, pa leba elis pa un tera bon, largu, un tera riku ku ta pruduzi ciu, ku sedu tera di kananeus, eteus, amoreus, perizeus, eveus ku jebuseus.

Saida 34:2

Purpara pa amaña sedu, bu subi na monti Sinai. La bu na bin ña dianti na kabesa di monti.

Saida 34:5

SIÑOR ria na nuven, i firma la lungu del, i anunsia si nomi, ku sedu SIÑOR.

Numerus 11:17

Ami N na ria, N na fala ku bo; N na rapati Spiritu ku sta na bo, N pui nelis. E na judau leba kargu de pobu, pa bu ka lebal abo son.

Bon Noba di Jesus Kristu ku Jon 3:13

Ningin ka subi na seu si i ka kil ku ria di seu, ku sedu Fiju di omi.

Bon Noba di Jesus Kristu ku Jon 6:38

Ami N ria na seu, i ka pa N fasi ña vontadi, ma pa N fasi vontadi di kil ku mandan.

Ripitison di Lei 33:2

SIÑOR bin di Sinai; di Seir i lanta riba delis suma sol, i lampra desdi monti Paran. I bin ku des mil anju; na si direita i tenba fugu ku na lampraba.

Ripitison di Lei 4:10

Lembra di ki dia ku bu staba dianti di SIÑOR bu Deus na Oreb oca ku SIÑOR falan: “Junta e pobu ña dianti pa e obi ña palabras, pa e kunsi elis, pa e rispitan tudu dias ke na vivi na tera; e ten ku nsina se fijus ki palabras.”

Josué 3:5

Josué fala pobu tambi: “Bo purifika bo kurpu, pabia amaña SIÑOR na fasi kusas garandi na bo metadi.”