Saida 17:6 - BIBLIA - traduson antigu in Krioulo

⁶ Ami N na firma dianti di bo riba di ki pedra na Oreb. Bu na suta ki pedra; yagu na sai la pa pobu bibi.” Asin ku Moisés fasi, dianti di uju di garandis di Israel.

Saida 17:6 ပူးပေါင်းရင်းမြစ်များ

Neemias 9:15

Oca ke teneba fomi, bu da elis pon di seu; oca ke teneba sedi, bu tira yagu na pedra garandi pa elis. Bu fala elis pa e yentra e toma tera ku bu yalsa mon, bu jurmenta kuma bu na da elis.

Salmus 105:41

I yabri pedra garandi; yagu sai nel, i kuri na con seku suma riu,

Salmus 114:8

kil ku ta bidanta pedra garandi suma lagua, pedra risu suma fonti.

Salmus 46:4

I ten un riu ku ta kontenta prasa di Deus, ki kau sagradu ku sedu morada di Deus ku sta riba di tudu.

Salmus 74:15

Bu yabri fontis ku riusiñus, bu sekusi rius ku ta kuriba ku forsa.

Salmus 78:18

E fasi diskarna, e proba Deus, e fala: “Danu ki karni ku no misti!”

Salmus 78:20

Na bardadi i suta ki pedra garandi; yagu sai, i kuri ciu suma rius. Ma i pudi danu kumida tambi, o i ranja karni pa si pobu?”

Salmus 81:7

Oca ku bu coman na foronta, N librau. N kudiu, sukundidu na turbada; N probau na yagu di Meribá. Sela

Saida 14:16

Yalsa bu manduku, bu distindi mon riba di mar pa dividil, pa fijus di Israel pudi pasa na metadi del na con seku.

Saida 16:10

Oca ku Aron na papia ku tudu juntamentu di Israel, e rabida pa lala, e oja lus di SIÑOR kumsa na lampra na nuven.

Isaias 48:21

Kontra i lebaba elis na lalas, e ka sintiba sedi, pabia i findi pedra garandi, i pui pa yagu kuri la pa elis.

Numerus 20:8

“Toma manduku, bu junta pobu; abo ku bu ermon Aron bo papia ku pedra dianti di se uju; i na da si yagu. Asin bu na tira yagu na ki pedra, pa bu da pobu pa e bibi, ku se limarias.”

Bon Noba di Jesus Kristu ku Jon 4:10

Jesus falal: “Si bu sibiba ke ku Deus tene pa da, o bu sibi tambi kin ku na pidiu yagu, bu ta pidilba, el i ta dau yagu ku ta da vida.”

Bon Noba di Jesus Kristu ku Jon 4:14

ma kin ku bibi yagu ku ami N na dal i ka ta torna tene sedi mas, pabia yagu ku N na dal i ta fasi nel fonti di yagu bibu ku ta darma pa vida ku ka ta kaba.”

1 Koríntius 10:4

E bibi tambi un mesmu bibida ku bin di Deus, pabia e bibi di pedra spiritual ku na kumpaña elis. Ki pedra i Kristu.

Ripitison di Lei 1:2

I ta leba onzi dia di Oreb pa Kades-Barneia, na kamiñu di montañas di Seir.

Ripitison di Lei 8:15

El ku giau na ki garandi lala seku, meduñu, ku ka tene yagu, ku tene kobras venenosu ku lakaran. I tirau yagu na metadi di garandi pedra risu,

Apokalipsi 22:17

Spiritu ku noiva e fala: “Bin.” Kin ku obi pa i fala: “Bin.” Kin ku tene sedi pa i bin. Kin ku misti, i ta toma, sin paga nada, yagu ku ta da vida.