Saida 16:8 - BIBLIA - traduson antigu in Krioulo

⁸ Moisés fala mas: “Bo na ntindi ora ku SIÑOR manda bos karni pa kume di tardi, parmaña i manda bos tudu pon ku bo pudi kume, pabia SIÑOR obi bo na ŋuniŋuni kontra el. Nta anos i kin? Bo ka na ŋuniŋuni kontra nos, ma kontra SIÑOR”

Saida 16:8 ပူးပေါင်းရင်းမြစ်များ

Saida 16:12

“N obi manera ku fijus di Israel na ŋuniŋuni. Fala elis kuma di tardi, na fuska-fuska, e na kume karni; di parmaña e na farta ku pon. E na sibi kuma ami i SIÑOR se Deus.”

Saida 16:9

Dipus Moisés fala Aron: “Konta tudu juntamentu di fijus di Israel pa e ciga dianti di SIÑOR, pabia SIÑOR obi manera ke ŋuniŋuni.”

Saida 17:2

Asin e jusia ku Moisés, e falal: “Danu yagu pa no bibi.” Moisés punta elis: “Ke ku manda bo na jusia ku mi? Ke ku manda bo na tenta SIÑOR?”

Isaias 32:6

Tulu ta papia kusas di tulesa; si pensamentu sta son na mal ki dibi di fasi. I ta finji, i konta kusas ku ka bardadi aserka di SIÑOR. I ta disa kilis ku tene fomi sin nada; kilis ku tene sedi, i ta tuji elis yagu.

Isaias 37:29

N obi di bu raiba kontra mi manera ku bu yalsa ombra; pabia di kila N na pui ansol na bu naris, ku freiu na bu boka, N na ribantau pa kamiñu ku bu bin.’

Numerus 11:18

“Fala pobu: ‘Bo purifika bo kurpus, bo purpara pa amaña; bo na kume karni, pabia SIÑOR obi bos oca ku bo na cora, bo punta nos kin ku na da bos karni pa kume, bo fala kuma kusas ta kuriba bos mas minjor na Ejitu. Asin SIÑOR na da bos karni; bo na kumel.

Numerus 14:27

“Te kal tempu ku e pobu mau na ŋuniŋuni kontra mi? N obi keŝas di israelitas ke na keŝa kontra mi.

Numerus 21:7

Pobu bai pa Moisés, e falal: “No peka, manera ku no papia kontra SIÑOR, tambi kontra bo. Ora, pa SIÑOR pudi tiranu e kobras.” Asin Moisés ora pa pobu.

Mateus 10:40

“Kin ku risibi bos, i ami ki risibi; kin ku risibin, i risibi kil ku mandan.

Mateus 9:4

Jesus kunsi se pensamentu, i punta: “Pabia di ke ku bo na pensa mal na bo kabesa?

Lukas 10:16

Dipus i fala disipulus: “Kin ku sukuta bos, i ami ki sukuta; kin ku nega bos, i ami ki nega. Kin ku negan, i nega kil ku mandan.”

Bon Noba di Jesus Kristu ku Jon 13:20

N na konta bos bardadi kuma, kin ku risibi kil ku N manda, i ami ki risibi. Kin ku risibin ta risibi kil ku mandan.”

Romanus 13:2

E ku manda kin ku sta kontra otridadi i sta kontra kil ku Deus manda. Kilis ku nega obdisi e na tisi kondenason riba di se kabesa.

1 Koríntius 10:10

Ka bo ŋuniŋuni suma ku utru delis fasi, tok anju di mortu bin kaba ku elis.

1 Tesalonisensis 4:8

Asin, kil ku nega es, i ka palabra di omi ki nega, ma i Deus ki nega, ku ta da bos si Spiritu Santu.

1 Samuel 8:7

SIÑOR falal: “Obi tudu kusa ku pobu na falau, pabia i ka abo ke nega, ma i ami ke ka misti pa N rena riba delis.